ຄົ້ນຄ້ວາ, ສະຫລຸບກ່ຽວກັບພາລະກິດ ປ່ຽນແປງໃໝ່ກ້າວຂຶ້ນສູ່ສັງຄົມນິຍົມ ຢູ່ ຫວຽດນາມ
ສະຖາບັນການເມືອງ - ການປົກຄອງແຫ່ງຊາດ ໂຮ່ຈີມິນ
(ພາບປະກອບ)
(vovworld) - ວັນທີ 14/6, ຢູ່ ຮ່າໂນ້ຍ, ສະຖາບັນການເມືອງ - ການປົກຄອງແຫ່ງຊາດ ໂຮ່ຈີມິນ ໄດ້ຈັດຕັ້ງກອງປະຊຸມສຳມະນາ “ວິທີຄົ້ນຄ້ວາ, ສະຫລຸບ ເຮັດໃຫ້ບາງບັນຫາທິດສະດີກ່ຽວກັບພາລະກິດປ່ຽນໃໝ່ກ້າວຂຶ້ນສູ່ ສັງຄົມນິຍົມ ຢູ່ ຫວຽດນາມ ຢ່າງຈະແຈ້ງ”. ເລື່ອງສະຫລຸບນຳໃຊ້ວຽກງານພັດທະນາທິດສະດີ, ສ້າງແນວທາງ, ນະໂຍບາຍຂອງພັກ ແລະ ລັດ ຫວຽດນາມ ໂດຍກົງ. ທີ່ກອງປະຊຸມສຳມະນາ, ບັນດານັກວິທະຍາສາດ, ນັກຄົ້ນຄ້ວາໄດ້ປຶກສາຫາລືບັນດາເນື້ອໃນ: ສະພາວະແຫ່ງການກຳເນີດ, ສ້າງຕັ້ງ ແລະ ພັດທະນາແນວທາງປ່ຽນແປງໃໝ່ປະເທດຊາດ, ບັນດາບັນຫາທິດສະດີກ່ຽວກັບຈຸດໝາຍ ແລະ ຮູບແບບສັງຄົມນິຍົມເຊິ່ງ ຫວຽດນາມ ກໍ່ສ້າງ, ບັນດາໄລຍະທາງພັດທະນາຂອງແນວທາງປ່ຽນແປງໃໝ່... ບັນດານັກວິທະຍາສາດ ກໍ່ໄດ້ແລກປ່ຽນກ່ຽວກັບບັນດາບັນຫາທິດສະດີທີ່ຍັງບໍ່ທັນຈະແຈ້ງກ່ຽວກັບຈຸດໝາຍ, ຮູບແບບ, ຈຸດພິເສດສະເພາະ, ແນວທາງ, ກຳນົດທິດມາດຕະການປະຕິບັດພາລະກິດປ່ຽນແປງໃໝ່ກ້າວຂຶ້ນສູ່ສັງຄົມນິຍົມ, ວິທີສຳພັດ, ວິທີຄົ້ນຄ້ວາເຮັດໃຫ້ບັນດາບັນຫາທິດສະດີກ່ຽວກັບພາລະກິດປ່ຽນແປງໃໝ່ກ້າວຂຶ້ນສູ່ສັງຄົມນິຍົມ ຢູ່ ຫວຽດນາມ ກະຈ່າງແຈ້ງ.