(vovworld) - ຕາມບົດລາຍງານຂອງຫົວໜ້າຄະນະຊີ້ນຳເຂດໄຕງວຽນ, ທ່ານພົນເອກ ເຈີນດ້າຍກວາງ ແລ້ວ, ຈຸດພົ້ນເດັ່ນຂອງ 5 ແຂວງເຂດໄຕງວຽນ ໃນປີ 2013 ແມ່ນວຽກງານບຳລຸງສ້າງວິຊາຊີບ, ແກ້ໄຂວຽກເຮັດງານທຳ, ຫຼຸດຜ່ອນຄວາມທຸກຍາກ ສືບຕໍ່ບັນລຸໄດ້ໝາກຜົນທີ່ໜ້າປະທັບໃຈ. ກ່ຽວກັບໜ້າທີ່ໃນປີ 2014, ທ່ານພົນເອກ ເຈີນດ້າຍກວາງ ເນັ້ນໜັກວ່າ.
“ຂ້າພະເຈົ້າສະເໜີໃຫ້ບັນດາກະຊວງ, ຂະແໜງການ, ຄະນະພັກ, ອຳນາດການປົກຄອງຂັ້ນຕ່າງໆໃນເຂດໄຕງວຽນ ຫັນໂຄງການເຄື່ອນໄຫວເປັນລະອຽດ ເພື່ອຊີ້ນຳ ນຳພາຢ່າງຄົບຊຸດ, ປະຕິບັດແຜນການທີ່ໄດ້ວາງອອກຢ່າງເຂັ້ມງວດ. ດຳເນີນການຄົ້ນຄວ້າ, ເພີ່ມເຕີ່ມສຳລັບບັນດາແຜນກຳນົດ, ແຜນການໂດຍໄວ, ເປັນເຈົ້າການຄົ້ນຄວ້າເພື່ອສະເໜີຕໍ່ພັກ ແລະ ລັດ ປະກາດໃຊ້ນະໂຍບາຍ, ກົນໄກທີ່ເໝາະສົມ ແນໃສ່ສືບຕໍ່ຊຸກຍູ້ການພັດທະນາເສດຖະກິດສັງຄົມ, ຮັບປະກັນການປ້ອງກັນຊາດ ປ້ອງກັນຄວາມສະຫງົບ ແລະ ປະຕິບັດນະໂຍບາຍຊົນເຜົ່າ, ນະໂຍບາຍສາສະໜາເປັນຢ່າງດີ, ປະກອບສ່ວນສ້າງລະບົບການເມືອງຢູ່ເຂດໄຕງວຽນ ໃຫ້ນັບມື້ນັບປອດໄສ, ໝັ້ນຄົງ, ເຂັ້ມແຂງ”.