ໃນການຢ້ຽມຢາມ, ທ່ານ ຫວໍວັນເຖືອງ ໄດ້ມີການພົບປະກັບທ່ານນາງຮອງປະທານສະພາແຫ່ງຊາດ ເກຼັກ Chirstodoulopoulou Anastasis, ພົບປະກັບທ່ານເລຂາທິການໃຫຍ່ພັກກອມມູນິດ ເກຼັກ Dimitris Koutsoumpas, ທ່ານເລຂາທິການໃຫຍ່ພັກຝ່າຍຂວາກ້າວໜ້າ Syriza ກຳອຳນາດ Panagiotis Rigas, ເຮັດວຽກກັບການນຳກະຊວງຫັນເປັນດີຈີຕອນ ແລະ ຖະແຫຼງຂ່າວສື່ສານ ເກຼັກ, ການນຳໜັງສືພິມ Kathimerini.

        ທີ່ບັນດາການເຮັດວຽກ, ທ່ານ ຫວໍວັນເຖືອງ ຫົວໜ້າຄະນະໂຄສະນາສຶກສາສູນກາງພັກໄດ້ແຈ້ງໃຫ້ຊາບກ່ຽວກັບບັນດາຜົນງານດ້ານການເມືອງ, ເສດຖະກິດ - ສັງຄົມ ແລະ ວັດທະນະທຳອັນໃຫຍ່ຫລວງ ແລະ ມີຄວາມໝາຍປະຫວັດສາດຂອງ ຫວຽດນາມ ນັບແຕ່ເມື່ອເລີ່ມຕົ້ນກິດຈະການປ່ຽນແປງໃໝ່ປະເທດຊາດໃນປີ 1986 ມາຮອດປັດຈຸບັນ ກໍ່ຄືບັນດາແຜນນະໂຍບາຍ, ແນວທາງຂອງພັກ ແລະ ລັດ ຫວຽດນາມ.

        ທ່ານ ຫວໍວັນເຖືອງ ຫົວໜ້າຄະນະໂຄສະນາສຶກສາສູນກາງພັກ ຕີລາຄາສູງການພັດທະນາຢ່າງຕັ້ງໜ້າຂອງການພົວພັນ ຫວຽດນາມ - ເກຼັກ, ແລະ ຢືນຢັນວ່າ: ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະໜາຢາກເພີ່ມທະວີການພົວພັນມິດຕະພາບ, ການຮ່ວມມືຫລາຍດ້ານກັບ ເກຼັກ.