ຄະນະເລຂາສູນກາງພັກພົບປະສັງສັນກັບພະນັກງານຂັ້ນສູງໄດ້ພັກກິນເບ້ຍບຳນານ
(VOVWORLD) -ວັນທີ 17 ພຶດສະພາ ຢູ່ຮ່າໂນ້ຍ, ຄະນະເລຂາສູນກາງພັກຈັດຕັ້ງກອງປະຊຸມພົບປະສັງສັນກັບພະນັກງານຂັ້ນສູງໄດ້ພັກກິນເບ້ຍບຳນານຢູ່ທັງ 3 ພາກເໜືອ - ກາງ - ໃຕ້, ແຈ້ງໃຫ້ຊາບກ່ຽວກັບສະພາບການເສດຖະກິດ - ສັງຄົມ, ການປ້ອງກັນຊາດປ້ອງກັນຄວາມສະຫງົບ, ການພົວພັນຕ່າງປະເທດ, ວຽກງານກໍ່ສ້າງພັກ, ຕໍ່ສູ້ປ້ອງກັນຕ້ານການສໍ້ລາດບັງຫລວງໃນໄລຍະຜ່ານມາ
 ຄະນະເລຂາສູນກາງພັກພົບປະສັງສັນກັບພະນັກງານຂັ້ນສູງໄດ້ພັກກິນເບ້ຍບຳນານ (ພາບ: ຫວຽດນາມ+) |
ທ່ານເລຂາທິການໃຫຍ່ ຫງວຽນຟູ໋ຈ້ອງ ເປັນປະທານກອງປະຊຸມ. ກ່າວຄຳເຫັນນະທີ່ນີ້ ທ່ານເລຂາທິການໃຫຍ່ ຫງວຽນຟູ໋ຈ້ອງ ຊີ້ແຈ້ງວ່າ ປີ 2016 ແລະ ຊຸມເດືອນຕົ້ນປີ 2017 ສະພາບການໂລກຜັນແປຢ່າງສັບສົນ, ຍາກທີ່ຄາດຄະເນໄວ້ລ່ວງໜ້າໄດ້. ຢູ່ພາຍໃນປະເທດໄດ້ເກີດຫລາຍເຫດການທີ່ໜ້າເປັນຫ່ວງ. ໃນສະພາວະນັ້ນ ຄະນະບໍລິຫານງານສູນກາງພັກ, ກົມການເມືອງ, ຄະນະເລຂາສູນກາງພັກໄດ້ສຸມໃສ່ຊີ້ນຳນຳພາ, ທັງລະບົບການເມືອງໄດ້ເຂົ້າຮ່ວມ, ທົ່ວພັກ, ທົ່ວປະຊາຊົນ ແລະ ທົ່ວກອງທັບ ຫວຽດນາມ ເປັນຈິດໜຶ່ງໃຈດຽວ, ຜ່ານຜ່າທຸກຄວາມຫຍຸ້ງຍາກສິ່ງທ້າທາຍ ແລະ ໄດ້ບັນລຸໝາກຜົນສຳຄັນຫລາຍຢ່າງໃນຫລາຍຂົງເຂດ.