ຈີນໃຫ້ປະຊາຊົນ865.000ຄົນອົບພະຍົບເພື່ອຫຼີກລ້ຽງພາຍຸchan-hom
(ພາບປະກອບ: THX/TTXVN)
(vovworld) – ວັນທີ 11/7, ພາຍຸchan-hom ພວມພັດເຂົ້າຝັ່ງທະເລທາງທິດຕາເວັນອອກຂອງຈີນ, ຢູ່ແຂວງ ເຈື້ອຈຽງ, ພາຍຫຼັງຜ່ານເກາະ Okinawa ຂອງຍີ່ປຸ່ນ ແລະ ເກາະໄຕ້ຫວັນ (ຈີນ). ຄຽງຂ້າງການໃຫ້ປະຊາຊົນອົບພະຍົບ, ອຳນາດການປົກຄອງແຂວງຍັງຮຽກຮ້ອງກຳ່ປັ່ນ 29.000 ລຳເຂົ້າທຽບທ່າ ພາຍຫຼັງທີ່ເກີດຟອງທະເລສູງເຖິງ 10 ແມັດ. ປະຈຸບັນຢູ່ບາງນະຄອນໃນແຂວງ ໄດ້ປະກົດມີຝົນຕົກໜັກ ແລະ ລົມພັດແຮງ. ວັນທີ 11/7, ສູນອຸຕຸນິຍົມອຸທົກກະສາດຈີນ ພະຍາກອນວ່າ, ຕອນບ່າຍວັນທີ 11/7, ພາຍຸຈະພັດເຂົ້າແຂວງເຈື້ອຈຽງ. ກ່ອນທີ່ພັດເຂົ້າຊຽງໄຮ້, ຈີນ, ພະຍຸchan-hom ໄດ້ເຮັດໃຫ້ຊາວຟິລິບປິນ 5 ຄົນເສຍຊີວິດ, ແລະ ຊາວຍີ່ປຸ່ນ 20 ກວ່າຄົນຮັບບາດເຈັບ.