ຄວາມເຄັ່ງຕຶງ ແລະ ການປະທະກັນລະຫວ່າງຜູ້ແຫ່ຂະບວນປະທ້ວງ ກັບຕຳຫຼວດກໍ່ໄດ້ເກີດຂຶ້ນຢູ່ໃຈກາງບັນດາຕົວເມືອງໃຫຍ່ຄື: ນະຄອນຫຼວງ Paris, ນະຄອນ Bordeaux, Toulouse ແລະ Bourges.

        ການແຫ່ຂະບວນປະທ້ວງໃນທ້າຍອາທິດຂອງຂະບວນການ “ເສື້ອເຫຼືອງ” ໄດ້ກ້າວເຂົ້າສູ່ອາທິດທີ 9 ແລ້ວ, ພຽງໃນເວລາ 3 ວັນກ່ອນທີ່ເລີ່ມດຳເນີນ “ການປຶກສາຫາລືທົ່ວປະເທດ” ຕາມຂໍ້ລິເລີ່ມຂອງທ່ານປະທານາທິບໍດີ Emmanuel Macron. ຈຳນວນຜູ້ສະໜັບສະໜູນຂະບວນການໄດ້ເພີ່ມຂຶ້ນຢ່າງວ່ອງໄວ ພາຍຫຼັງເວລາພັກຜ່ອນທ້າຍປີ.

        ນັບແຕ່ຂະບວນການແຫ່ຂະບວນປະທ້ວງເລີ່ມຂຶ້ນແຕ່ກາງເດືອນ ພະຈິກ 2018, ໄດ້ມີ 10 ຄົນເສຍຊີວິດຢູ່ບັນດາເຂດຖືກຊາວ “ເສື້ອເຫຼືອງ” ປິດລ້ອມ ແລະ ມີກວ່າ 1.600 ຄົນຮັບບາດເຈັບ.