ຊຸກຍູ້ບົດບາດເປັນຂົວເຊື່ອມຕໍ່ລະຫວ່າງບັນດາຄູ່ຮ່ວມມື ຫວຽດນາມ - ອີຕາລີ
(VOVWORLD) - ຕອນບ່າຍວັນທີ 11 ມິຖຸນາ, ຢູ່ຮ່າໂນ້ຍ, ສະມາຄົມມິດຕະພາບ ຫວຽດນາມ - ອີຕາລີ (ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ) ໄດ້ຈັດຕັ້ງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ V ອາຍຸການ 2019 -2024.
ກອງປະຊຸມໃຫຍ່ໄດ້ເລືອກຕັ້ງຄະນະບໍລິຫານງານ ສະມາຄົມມິດຕະພາບ ຫວຽດນາມ - ອີຕາລີ ຊຸດທີ V ດ້ວຍສະມາຊິກ 32 ຄົນ. ທ່ານ ສາສະດາຈານ, ປະລິນຍາເອກ ບຸ່ຍເຍິດກວາງ, ຮອງປະທານສະພາມະຫາບັນດິດວິທະຍາສາດສັງຄົມ ຫວຽດນາມ, ໄດ້ເລືອກຕັ້ງເປັນປະທານສະມາຄົມອາຍຸການ 2019 -2024. ທີ່ກອງປະຊຸມໃຫຍ່, ບັນດາຜູ້ແທນໄດ້ເຫັນດີເປັນເອກະພາບຕໍ່ອາຍຸການຈະມາເຖິງ, ສະມາຄົມຈະສືບຕໍ່ຈັດຕັ້ງຂົນຂວາຍ, ເຕົ້າໂຮມທຸກອົງການຈັດຕັ້ງ ແລະ ສ່ວນບຸກຄົນທີ່ເປັນຊາວຫວຽດນາມໄດ້ ແລະ ພວມດຳລົງຊີວິດ, ຮ່ຳຮຽນ, ເຮັດວຽກຢູ່ ອີຕາລີ; ໄດ້ ແລະ ພວມມີຄວາມຫວັງຢາກຮ່ວມມືກັບອີຕາລີ; ຮັກແພງ ແລະ ປາດຖະໜາຢາກປະກອບສ່ວນຊຸກຍູ້ການພົວພັນມິດຕະພາບ, ຮ່ວມມືລະຫວ່າງ ຫວຽດນາມ ແລະ ອີຕາລີ; ເປີດກ້ວາງ ແລະ ພັດທະນາວຽກງານຂອງສະມາຄົນເປັນຕົ້ນແມ່ນໃນບັນດາຂົງເຂດຈຸດສຸມໃນການຮ່ວມມືລະຫວ່າງສອງປະເທດຄື ການຄ້າ, ການລົງທຶນ, ການທ່ອງທ່ຽວ.