ສສຊ ຫລາຍທ່ານໄດ້ຢືນຢັນເຖິງຄວາມຈຳເປັນຕ້ອງປະກາດໃຊ້ກົດໝາຍວ່າດ້ວຍການປ້ອງກັນ, ຕ້ານໄພທຳມະຊາດ
ພາບ:vietnamplus.vn
|
(vovworld)- ຕອນເຊົ້າວັນ 6/6, ຮ່າງກົດໝາຍວ່າດ້ວຍການປ້ອງກັນ, ຕ້ານໄພທຳມະຊາດໄດ້ນຳມາປືກສາຫາລືທີ່ວາລະປະຊຸມຄົບຄະນະໃນຂອບເຂດກອງປະຊຸມສະໄຫມສາມັນເທື່ອທີ 5 ສະພາແຫ່ງຊາດຫວຽດນາມຊຸດທີ 13. ສສຊ ຫລາຍທ່ານໄດ້ຢືນຢັນເຖິງຄວາມຈຳເປັນຕ້ອງປະກາດໃຊ້ກົດໝາຍສະບັບດັ່ງກ່າວ. ເລື່ອງຮ່າງກົດໝາຍເພີ່ມເຕີມຂໍ້ກຳນົດລັດສົ່ງເສີມບັນດາວິສາຫະກິດປະກັນໄພເຂົ້າຮ່ວມປະກັນໄພທຳມະຊາດ, ນະໂຍບາຍຫນູນຊ່ວຍບັນດາວິສາຫະກິດເຂົ້າຮ່ວມການລົງທຶນຢູ່ບັນດາເຂດທີ່ເຄີຍເກີດໄພທຳມະຊາດ, ນະໂຍບາຍຍົກເວັ້ນ, ຫລຸດຜ່ອນອາກອນລາຍຮັບວິສາຫະກິດສຳລັບບັນດາບ້ວງເງິນບໍລິຈາກເພື່ອຕ້ານໄພທຳມະຊາດແມ່ນມີຄວາມຈຳເປັນ ເພື່ອສ້າງເງື່ອນໄຂ, ສ້າງກຳລັງຫນູນເຂົ້າຮ່ວມການປ້ອງກັນ ແລະ ຕ້ານໄພທຳມະຊາດ, ຍູ້ແຮງສັງຄົມເຂົ້າຮ່ວມວຽກງານປ້ອງກັນ, ຕ້ານໄພທຳມະຊາດ. ບັນດາ ສສຊ ກໍໄດ້ເນັ້ນຫນັກເຖິງຄວາມຈຳເປັນຕ້ອງຮ່ວມມືສາກົນໃນຂົງເຂດນີ້. ທ່ານ ຮີ່ງມີງຮ່ວາງ, ສສຊ ແຂວງ ບາກລຽວ ຍົກຄຳເຫັນວ່າ:
“ຮ່າງກົດໝາຍເພີ່ມເຕີມຕື່ມອີກພາກຫນຶ່ງຮ່ວມມືສາກົນກ່ຽວກັບການປ້ອງກັນ ແລະ ຕ້ານໄພທຳມະຊາດ ແມ່ນເໝາະສົມ ແລະ ຈຳເປັນທີ່ສຸດ ເພາະວ່າໃນວຽກງານນີ້ຕ້ອງມີການເຂົ້າຮ່ວມຂອງຫລາຍປະເທດ ເພື່ອແບ່ງປັນບົດຮຽນຄວບຄຸມໄພພິບັດໂດຍທຳມະຊາດກໍ່ຂຶ້ນ, ສົມທົບກັບທຸກແຫລ່ງກຳລັງແມ່ນຈຳເປັນທີ່ສຸດ. ຫວຽດນາມຄວນສະແດງບົດບາດອັນຕັ້ງຫນ້າຂອງຕົນໃນການຮ່ວມມືພາກພື້ນ ແລະ ສາກົນ ໃນການປ້ອງກັນ ແລະ ຕ້ານໄພທຳມະຊາດ.”