(vovworld) - ເນື່ອງໃນໂອກາດສະເຫຼີມສະຫຼອງ 65 ປີແຫ່ງວັນທ່ານປະທານໂຮ່ຈິມິນອອກຄຳຮຽກຮ້ອງແຂ່ງຂັນຮັກຊາດ, ຕອນບ່າຍວັນທີ 10/06, ຢູ່ຮ່າໂນ້ຍ, ຄະນະໂຄສະນາສຶກສາສູງກາງ, ຄະນະແຂ່ງຂັນຮັກຊາດ - ຍ້ອງຍໍສູນກາງ ໄດ້ຈັດກອງປະຊຸມສຳມະນາວິທະຍາສາດ “ຍູ້ແຮງຂະບວນການແຂ່ງຂັນຮັກຊາດຕາມແນວຄິດຂອງປະທານໂຮ່ຈິມິນ ໃນໄລຍະປະຈຸບັນ”.
ທີ່ກອງປະຊຸມສຳມະນາ, ບັນດາຜູ້ແທນໄດ້ສຸມໃສ່ເຮັດແຈ້ງບັນດາເນື້ອໃນທີ່ມືລັກສະນະທິດສະດີ ແລະ ພຶດຕິກຳຕົວຈິງ ເພື່ອຍົກສູງສະຕິຂອງພະນັກງານ, ສະມາຊິກພັກ ແລະ ປະຊາຊົນກ່ຽວກັບນິວຄວາມຄິດແຂ່ງຂັນຮັກຊາດຂອງປະທານໂຮ່ຈິມິນ; ກ່ຽວກັບທີ່ຕັ້ງ, ບົດບາດຂອງບັນດາຂະບວນການແຂ່ງຂັນຮັກຊາດ, ຈາກນນັ້ນເຂົ້າຮ່ວມບັນດາຂະບວນການແຂ່ງຂັນຮັກຊາດໃນໄລຍະຍູ້ແຮງການຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ ແລະ ເຊື່ອມໂຍງເຂົ້າກັບສາກົນຢ່າງຕັ້ງໜ້າ. ບັນດາຜູ້ແທນໄດ້ສະໜີຕໍ່ພັກ, ລັດ ປັບປຸງ, ເພີ່ມເຕີມ, ນະໂຍບບາຍກົດໝາຍກ່ຽວກັບວຽກງານແຂ່ງຂັນ - ຍ້ອງຍໍ; ບັນດາມາດຕະການປ່ຽນໃໝ່ວຽກງານແຂ່ງຂັນ ເພື່ອເຮັດໃຫ້ການແຂ່ງຂັນແທດຈິງກວ່າ, ບັນດາຂະບວນການແຂ່ງຂັນມີເນື້ອໃນ, ມາດຕະຖານລະອຽດ, ຕິດແທດກັບໜ້າທີ່ການເມືອງ ແລະ ສະພາບຕົວຈິງຂອງບັນດາຂະແໜງການ, ທຸກຂັ້ນ. ຮູບແບບລະດົມຕ້ອງມີຫຼາຍຮູ້ບຫຼາຍແບບ, ອຸດົມສົມບຸນເພື່ອສົ່ງເສີມຜູ້ເຂົ້າຮ່ວມຫລາຍກວ່າອີກ. ວຽກງານໂຄສະນາກ່ຽວກັບການແຂ່ງຂັນຮັກຊາດ ຕ້ອງໄດ້ຮັບການເພີ່ມທະວີ ແລະ ປ່ຽນໃໝ່, ຜ່ານນັ້ນຍ້ອງຍໍ, ເຊີດຊູວຽກດີຄົນເດັ່ນ. ທຸກຂັ້ນທຸກຂະແໜງການ ຄວນສືບຕໍ່ທະວີຄຸນບັນດາແບບຢ່າງທີ່ດີເດັ່ນຜ່ານຂະບວນການແຂ່ງຂັນ.