ກຳປັ່ນບັນທຸກ ເຄື່ອງຂອງ ຮັບໃຊ້ບຸນເຕັດມາຮອດເມືອງເກາະເຈືອງຊາ
(ພາບ : TTXVN)
|
Vovworld- ປີໃດກໍເຊັ່ນດຽວກັນ, ຮອດຍາມທ້າຍປີ, ກຳປັ່ນລຳຕ່າງໆບັນທຸກ ເຄື່ອງຂອງ ຮັບໃຊ້ບຸນເຕັດກໍໄດ້ເດີນທະເລໄປຍັງເມືອງເກາະເຈືອງຊາ. ນອກຈາກສິນຄ້າ, ເຄື່ອງຂອງທີ່ຈຳເປັນເພືອ່ສະໜອງໃຫ້ແກ່ກອງທັບ ແລະ ປະຊາຊົນໃນເມືອງເກາະເຈືອງຊາແລ້ວ, ຢູ່ກຳປັ່ນລຳຕ່່າງໆທີ່ເດີນທະເລໃນຍາມທ້າຍປີນັ້ນ, ກໍຍົງມີບັນດາພະນັກງານ, ນັກຮົບໄປປະຕິບັດໜ້າທີ່ວຽກງານຢູ່ໝູ່ເກາະເຈືອງຊາເປັນຄັ້ງທຳອິດ. ນັກຮົບ ຫງວຽນຄັກຮີ ຢູ່ນະຄອນຫາຍຟ່ອງໃຫ້ຮູ້ວ່າ:
“ ແຕ່ລະຂະແໜງການກໍມີຈຸດພິເສດສະເພາະຂອງໃຜຂອງມັນ, ດັ່ງນັ້ນພວກຂ້າພະເຈົ້າໄດ້ກຳນົດວ່າ ພວກຂ້າພະເຈົ້າມານີ້ແມ່ນຖືໜ້າທີ່ວຽກງານເປັນສຳຄັນອັນດັບໜຶ່ງ, ຮັບປະກັນວິຊາສະເພາະ, ຮັບໃຊ້ເຫຼົ່າທັບເຮືອເພື່ອກຳແໜ້ນສະພາບການ. ພວກຂ້າພະເຈົ້າໄດ້ກຳນົດວ່າ ໜ້າທີ່ສຳຄັນກ່ວາໝູ່ຂອງຕົນແມ່ນປົກປັກຮັກສາປະເທດຊາດ ”
ສ່ວນນັກຮົບ ຫງວຽນວັນຕວຽນ ຜູ້ຫາກໍໄດ້ຮັບໜ້າທີ່ຢູ່ເກາະ ໂກລິນ ໃຫ້ຮູ້ວ່າ ລາວດີໃຈຫຼາຍເພາະໄດ້ເຮັດໜ້າທີ່ປົກປັກຮັກສາເຂດນານທະເລຂອງປະເທດຊາດ. ເຖິງວ່າຍັງບໍ່ທັນປະຕິບັດວຽກງານຢູ່ເກາະກໍຕາມ, ແຕ່ໂອກາດນີ້ຈະຊ່ວຍລາວເຕີບໃຫຍ່ຂຶ້ນ. ນັກຮົບ ຫງວຽນວັນຕວຽນ ເວົ້າວ່າ :
“ ເມື່ອທຽບໃສ່ຜູ້ອື່ນໆ, ເຮົາຮູ້ສຶກວ່າມີຄວາມເປັນກຽດຫຼາຍກ່ວາ ເມື່ອໄດ້ຮັບໜ້າທີ່ຢູ່ໝູ່ເກາະເຈືອງຊາ. ຂ້າພະເຈົ້າຈະພະຍາຍາມແກ້ໄຂຄວາມຫຍຸ້ງຍາກຂາດເຂີນ ເພື່ອເຮັດຫຼ້ອນໜ້າທີ່ຂອງຕົນ ” .