(vovworld) – ຕອນບ່າຍວັນທີ 12/8, ທີ່ການຕ້ອນຮັບຄະນະຜູ້ແທນຕຳຫຼວດແຫ່ງລາຊະອານາຈັກ ໄທ ໂດຍທ່ານພົນເອກ ປັນສີຣິ ປະຣາພະວັດ, ຮອງຜູ້ບັນຊາການໃຫຍ່ຕຳຫຼວດ ໄທ ເປັນຫົວໜ້າຄະນະ ມີການຢ້ຽມຢາມ, ເຮັດວຽກຢູ່ ຫວຽດນາມ, ທ່ານ ພົນຕີ ຈ້ຽວວັນດາດ, ຮອງຫົວໜ້າກົມໃຫຍ່ຕຳຫຼວດປ້ອງກັນ, ຕ້ານອາຊະຍາກຳ, ກະຊວງຕຳຫຼວດ ຫວຽດນາມ ເນັ້ນໜັກວ່າໃນໄລຍະຈະມາເຖິງ, ກົມໃຫຍ່ຕຳຫຼວດປ້ອງກັນ, ຕ້ານອາດຊະຍາກຳ ຂຶ້ນກັບກະຊວງຕຳຫຼວດ ຫວຽດນາມ ແລະ ກຳລັງ ຕຳຫຼວດ ໄທ ຄວນຍູ້ແຮງສາຍພົວພັນສົມທົບກັນໃນບັນດາຂົງເຂດຮ່ວມມືປ້ອງກັນ, ຕ້ານອາດຊະຍາກຳ, ສົມກັບລະດັບການພົວພັນຄູ່ຮ່ວມມືຍຸກທະສາດເຊິ່ງການນຳ 2 ປະເທດໄດ້ເປັນເອກະສັນກັນໃນຖະແຫຼງການຮ່ວມ ເນື່ອງໃນໂອກາດການຢ້ຽມຢາມ ລາຊະອານາຈັກ ໄທ ເມື່ອເດືອນ 6/2013 ຢ່າງເປັນທາງການຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກ ຫງວຽນຟູ໋ຈ້ອງ.
ພົນເອກ ປັນສີຣິ ປະຣາພະວັດ ປາດຖະໜາວ່າໃນໄລຍະຈະມາເຖິງ, ກົມໃຫຍ່ຕຳຫຼວດປ້ອງກັນ, ຕ້ານອາດຊະຍາກຳ, ກະຊວງຕຳຫຼວດ ຫວຽດນາມ ແລະ ກຳລັງຕຳຫຼວດແຫ່ງລາຊະອານາຈັກ ໄທ ຈະເພີ່ມທະວີການປະຕິບັດບັນດາແຜນການປ້ອງກັນ, ຕ້ານ ອາດຊະຍາກຳ, ແລກປ່ຽນເປັນປະຈຳ, ຮ່ວມມືບຳລຸງສ້າງພະນັກງານ, ຕອບສະໜອງຄວາມຮຽກຮ້ອງຕ້ອງການເຊິ່ງການນຳ 2 ປະເທດໄດ້ວາງອອກ.