ທ່ານ ສາດສະດາຈານ Carl Thayer ຖືວ່າ ພັກກອມມູນິດ ຫວຽດນາມ ໄດ້ຢັ້ງຢືນບົດບາດ ນຳພາຜ່ານບັນດາເຫດການໃຫຍ່ໃນກິດຈະການປົດປ່ອຍປະເທດຊາດ ໃຫ້ຫຼຸດພົ້ນອອກຈາກແອກປົກຄອງຂອງ ຕ່າງດ້າວ ແລະ ສ້າງຕັ້ງ ປະເທດ ຫວຽດນາມໃຫ້ມີເອກະພາບ ແລະ ເອກະລາດ.

        ກ່ຽວກັບບັນດານະໂຍບາຍທີ່ມີຄວາມໝາຍສຳຄັນທີ່ສຸດສຳລັບການພັດທະນາເສດຖະກິດ - ສັງຄົມ ແລະ ການພົວພັນສາກົນ ຂອງ ຫວຽດນາມ ໃນຊຸມປີຜ່ານມາ, ທ່ານ ສາດສະດາຈານ Carl Thayer ໄດ້ເນັ້ນໜັກເຖິງ ນະໂຍບາຍໃຫຍ່ທີ່ມີຄວາມໝາຍຈົນມາຮອດປັດຈຸບັນແມ່ນ ເລື່ອງ ພັກກອມມູນິດ ຫວຽດນາມ ໄດ້ ນຳພາດຳເນີນກິດຈະການປ່ຽນແປງໃໝ່ ໃນທ້າຍປີ 1986. ຫວຽດນາມ ໄດ້ຢຸດຕິການຫັນເປັນແຜນການລວມສູນ ແລະ ເລີ່ມຕົ້ນພັດທະນາການຜະລິດເອກະຊົນ, ຕົ້ນຕໍແມ່ນອີງໃສ່ບັນດາຄອບຄົວ. ນະໂຍບາຍນີ້ ໄດ້ນຳມາໃຫ້ການເພີ່ມຂຶ້ນຢ່າງຈະແຈ້ງ ກ່ຽວກັບສະມັດຕະພາບ ໃນການຜະລິດ ເຂົ້າ ແລະ ສ້າງເງື່ອນໄຂໃຫ້ແກ່ການແຜ່ຂະຫຍາຍ ຂອງຂະແໜງອຸດສາຫະກຳ ເບົາ.

        ຕາມ ທ່ານ ສາດສະດາຈານ Carl Thayer ແລ້ວ, ບັນດາການນຳ ຫວຽດນາມ ຈະເອົາໃຈໃສ່ເປັນພິເສດເຖິງການກະກຽມໃຫ້ແກ່ກອງປະຊຸມໃຫຍ່ທົ່ວປະເທດຄັ້ງທີ XIII ຂອງ ພັກ ໃນຕົ້ນປີ 2021 ເພື່ອຮັບປະກັນ ການມອບໂອນດ້ານການເມືອງ ໃຫ້ມີຄວາມສະດວກ ກໍ່ຄືຄວາມເຫັນດີເຫັນພ້ອມກ່ຽວກັບບັນດານະໂຍບາຍເສດຖະກິດ - ສັງຄົມອັນຍິ່ງໃຫຍ່ພາຍໃນ 5 ປີຈະມາເຖິງ ແລະ ຍາວໄກກ່ວາອີກ.