ທ່ານຮອງປະທານສະພາແຫ່ງຊາດ ຮວີ່ນງອກເຊີນ
ຕ້ອນຮັບຫົວໜ້າກິຕິມະສັກສະຖານກົງສູນໃຫຍ່ປະຈຳ ບູຊານ, ສເກົາຫຼີ Park Soo Kwan
(ພາບ: daibieunhandan.vn)
(vovworld) - ວັນທີ 26/2, ຢູ່ສຳນັກງານສະພາແຫ່ງຊາດຫວຽດນາມ, ໃນການ ຕ້ອນຮັບຫົວໜ້າກິຕິມະສັກສະຖານກົງສູນໃຫຍ່ປະຈຳ ບູຊານ, ສເກົາຫຼີ Park Soo Kwan, ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ, ທ່ານຮອງປະທານສະພາແຫ່ງຊາດ ຮວີ່ນງອກເຊີນ ໄດ້ຕີລາຄາສູງນຳ້ໃຈອັນດີງາມ ແລະ ການໜູນຊ່ວຍຢ່າງແທດຈິງຂອງທ່ານ Park Soo Kwan ໃນການເຄື່ອນໄຫວຊຸກຍູ້ການພົວພັນມິດຕະພາບ ແລະ ການຮ່ວມມືລະຫວ່າງສອງປະເທດຫວຽດນາມ - ສເກົາຫຼີ. ທ່ານຮອງປະທານຫວັງວ່າ, ໃນໄລຍະຈະມາເຖິງ, ທ່ານ Park Soo Kwan ສືບຕໍ່ເສີມຂະຫຍາຍບົດບາດເປັນເພື່ອນຜູ້ສະໜິດສະໜົມຂອງຫວຽດນາມ ແລະ ແມ່ນຂົວຕໍ່ທີ່ສຳຄັນໃນການຊຸກຍູ້ການພົວພັນມິດຕະພາບ ແລະ ການຮ່ວມມື ຫວຽດນາມ - ສ ເກົາຫຼີ, ສົມທົບກັບສະຖານທູດຫວຽດນາມປະຈຳ ສເກົາຫຼີ ຢ່າງແໜ້ນແຟ້ນ ໃນການເຄື່ອນໄຫວຊ່ວຍເຫຼືອ ແລະ ຮັກສາຜົນປະໂຫຍດອັນຊອບທຳຂອງຊາວຫວຽດນາມ ຢູ່ ສເກົາຫຼີ. ສ່ວນທ່ານ Park Soo Kwan ກໍ່ສະແດງຄວາມຫວັງວ່າ ຫວຽດນາມສືບຕໍ່ສ້າງເງື່ອນໄຂສະດວກ ເພື່ອໃຫ້ວິສາຫະກິດຕ່າງປະເທດ, ໃນນັ້ນມີວິສາຫະກິດ ສເກົາຫຼີ ລົງທຶນເຂົ້າຫວຽດນາມ.