ກ່າວຄຳເຫັນທີ່ພິທີ, ທ່ານຟ້າມມິງຈິ໋ງ ເນັ້ນໜັກວ່າ ການເຊື່ອມຕໍ່ຂົວແບັກດັ່ງ, ຕະຫຼອດຮອດການເປີດສະຫຼອງເສັ້ນທາງຄວາມໄວສູງຫາຍຟ່ອງ - ຮ້າລອງ - ເວິນໂດນ ພາຍຫຼັງ 03 ປີແຫ່ງການກໍ່ສ້າງ ດ້ວຍໄລຍະທາງປະມານ 100 km ມີຄວາມໝາຍສຳຄັນຫຼາຍຢ່າງ; ເປັນການພິສູດໃຫ້ເຫັນແຜນນະໂຍບາຍໃຫຍ່ຂອງພັກ, ລັດ ໄດ້ປະກົດຜົນເປັນຈິງ, ນັ້ນແມ່ນຄວາມສຳເລັດໃນການຮ່ວມມືລະຫວ່າງພາກລັດ- ເອກະຊົນ ເພື່ອພັດທະນາພື້ນຖານໂຄງລ່າງ. ແຂວງກວາງນິງແມ່ນແຂວງທຳອິດໃນທົ່ວປະເທດທີ່ສ້າງເສັ້ນທາງຄວາມໄວສູງ, ສະໜາມບິນ, ທ່າກຳປັ່ນ ດ້ວຍຄວາມເປັນເຈົ້າການດ້ວຍຕົນເອງ, ລະດົມການລົງທຶນສູງ. ຂົວແບັກດັ່ງ, ເສັ້ນທາງຄວາມໄວສູງຫາຍຟ່ອງ - ຮ້າລອງ - ເວິນໂດນ ຈະປະກອບສ່ວນເຊື່ອມຕໍ່ 03 ສູນເສດຖະກິດໃຫຍ່ຂອງພາກເໜືອ ນັ້ນແມ່ນ ຮ່າໂນ້ຍ, ຫາຍຟ່ອງ ແລະ ກວາງນິງ, ປະກອບສ່ວນຊຸກຍູ້ການເຕີບໂຕເສດຖະກິດປະເທດຊາດ.