ທ່ານນາງຮອງປະທານປະເທດ ຫງວຽນທິຢວານ ຕ້ອນຮັບຄະນະຜູ້ແທນສູນກາງສະມາຄົມມິດຕະພາບ ລາວ - ຫວຽດນາມ
ທ່ານນາງຮອງປະທານປະເທດ ຫງວຽນທິຢວານ
ຕ້ອນຮັບຄະນະຜູ້ແທນສູນກາງສະມາຄົມມິດຕະພາບ ລາວ - ຫວຽດນາມ
(ພາບ: vietnamplus.vn)
(vovworld) - ຕອນບ່າຍວັນທີ 25/11, ທີ່ການຕ້ອນຮັບຄະນະ, ທ່ານນາງຮອງປະທານປະເທດ ຫງວຽນທິຢວານ ເນັ້ນໜັກວ່າ ພັກ, ລັດ ແລະ ປະຊາຊົນຫວຽດນາມ ຍາມໃດກໍ່ຖືເປັນສຳຄັນ ແລະ ຈະເຮັດຈົນສຸດຄວາມສາມາດຂອງຕົນພ້ອມກັບ ລາວ ເພີ່ມພູນຄຸນສ້າງ ແລະ ພັດທະນາສາຍພົວພັນແບບພິເສດ ຫວຽດນາມ - ລາວ ໃຫ້ຂຶ້ນສູ່ລະດັບສູງໃໝ່. ປີ 2014 ແມ່ນປີທີ່ສອງປະເທດມີຫຼາຍເຫດການການເມືອງທີ່ສຳຄັນຍິ່ງ, ທ່ານນາງຮອງປະທານ ປະເທດປາຖະໜາວ່າສະມາຄົມມິດຕະພາບສອງປະເທດ ຫວຽດນາມ - ລາວສືບຕໍ່ຍູ້ແຮງການໂຄສະນາ, ສຶກສາມຸນເຊື້ອສາຍພົວພັນມິດຕະພາບ, ຄວາມສາມັກຄີແບບພິເສດ, ການຮ່ວມມືຮອບດ້ານ ຫວຽດນາມ - ລາວ ກວ່າອີກ, ພິເສດແມ່ນບັນດາລາຍການກັບຄືນສູ່ກົກເຄົ້າເຫງົ້າກໍເພື່ອໃຫ້ປະຊາຊົນ ແລະ ຮຸ່ນໜຸ່ມສອງປະເທດເຂົ້າໃຈແຈ້ງກວ່າກ່ຽວກັບກົກເຄົ້າປະຕິວັດຂອງສອງປະເທດ.
ສ່ວນທ່ານ ວິໄລວົງ ບຸດດາຄຳ, ເລຂາສູນກາງຄະນະຊາວໜຸ່ມປະຊາຊົນປະຕິວັດ ລາວ ທັງເປັນຮອງປະທານສະມາຄົມມິດຕະພາບ ລາວ - ຫວຽດນາມ ຢືນຢັນວ່າໃນໄລຍະຈະມາເຖີງສະມາຄົມມິດຕະພາບ ລາວ - ຫວຽດນາມຈະສືບຕໍ່ໂຄສະນາສຶກສາຮຸ່ນໜຸ່ມເພື່ອປົກປັກຮັກສາ ແລະ ເສີມຂະຫຍາຍສາຍພົວພັນມິດຕະພາບ, ສາມັກຄີແບບພິເສດ ແລະ ການຮ່ວມມືຮອບດ້ານ ລາວ - ຫວຽດນາມ ຊຶ່ງບັນດາຮຸ່ນການນຳພັກ ແລະ ລັດສອງປະເທດໄດ້ເພີ່ມພູນຄຸນສ້າງ.