(vovworld) - ຕອນເຊົ້າວັນທີ 24/06, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ແລະ ຄະນະສສຊ ແຂວງ ດັກລັກ ໄດ້ມີການພົບປະກັບຜູ້ມີສິດເລືອກຕັ້ງ ຢູ່ແຂວງດັກລັກ. ຜູ້ມີສິດເລືອກຕັ້ງແຂວງ ດັກລັກ ສະເໜີຕໍ່ສະພາແຫ່ງຊາດຄົ້ນຄວ້າສ້າງກົດໝາຍວ່າດ້ວຍຊົນເຜົ່າ ເພື່ອໃຫ້ບັນດານະໂຍບາຍຊົນເຜົ່າໄດ້ຮັບການປະຕິບັດຢ່າງເຂັ້ມງວດ ແລະ ເປັນເອກະພາບ; ພ້ອມທັງສະເໜີລົງທຶນໃຫ້ແກ່ເຂດ ໄຕຫງວຽນ ກ່ຽວກັບພື້ນຖານໂຄງລ່າງຄົມມະນາຄົມ, ສ້າງເງື່ອນໄຂສະດວກເພື່ອດຶງດູດການລົງທຶນ. ກ່າວຄຳເຫັນທີ່ການພົບປະ, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ຖືວ່າ ບັນຫາທີ່ຜູ້ມີສິດເລືອກຕັ້ງ ສະເໜີ ກໍແມ່ນບັນດາບັນຫາເຊິ່ງສະພາແຫ່ງຊາດ, ລັດຖະບານ, ບັນດາກະຊວງ, ຂະແໜງການເອົາໃຈໃສ່ ແລະ ພວມຄົ້ນຄວ້າ ເພື່ອມີການຊີ້ນຳຢ່າງທັນການໃນໄລຍະຈະມາເຖິງ. ທ່ານນາງຮອງປະທານສະພາແຫ່ງຊາດ ໃຫ້ຮູ້ວ່າ ໃນໄລຍະຈະມາເຖິງ ຈະຜັນຂະຫຍາຍມະຕິຂອງສະພາແຫ່ງຊາດກ່ຽວກັບການລົງຄະແນນສຽງໄວ້ວາງໃຈ, ສະມາຊິກສະພາປະຊາຊົນ, ຫຼັກການລົງຄະແນນສຽງໄວ້ວາງໃຈ ຕ້ອງເຄົາລົບສິດລາຍງານ, ສິດອະພິປາຍຂອງຜູ້ທີ່ໄດ້ຮັບການລົງຄະແນນສຽງໄວ້ວາງໃຈ; ເປີດເຜີຍ, ຍຸຕິທຳ, ປະຊາທິປະໄຕ ແລະ ພາວະວິໄສ.