ທ່ານນາຍົກລັດຖະມົນຕີ ຫງວຽນຊວັນຟຸກ ເປັນປະທານວາລະກອງປະຊຸມສຸດຍອດ ອາຊຽນຄັ້ງທີ 37ທາງອອນລາຍ (ພາບ: TTXVN)

 ກ່າວຄຳເຫັນເມື່ອເຂົ້າຮ່ວມກອງປະຊຸມຄົບຄະນະໃນຂອບເຂດກອງປະຊຸມ ສຸດຍອດອາຊຽນຄັ້ງທີ 37 ເຊິ່ງໄດ້ຈັດຂຶ້ນໃນວັນທີ 12 ພະຈິກ, ທ່ານນາຍົກລັດຖະມົນຕີ ມາເລເຊຍ Muhyiddin Yassin  ໄດ້ເນັ້ນໜັກວ່າ ມາເລເຊຍ ໄດ້ຢຶດໝັ້ນຕໍ່ຫຼັກໝັ້ນທີ່ວ່າ ບັນດາບັນຫາທີ່ກ່ຽວຂ້ອງເຖິງທະເລຕາເວັນອອກຕ້ອງໄດ້ແກ້ໄຂໂດຍສັນຕິວິທີ ແລະ ມີລັກສະນະສ້າງສັນ.

ທ່ານ Muhyiddin ໄດ້ຊີ້ແຈ້ງວ່າ ບັນດາມາດຕະການແກ້ໄຂບັນຫາ ຢູ່ທະເລຕາເວັນອອກ ຕ້ອງສອດຄ່ອງ ກັບບັນດາຫຼັກການຂອງ ກົດໝາຍສາກົນ, ໃນນັ້ນມີ ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ (UNCLOS) ປີ 1982. ທຸກໆຝ່າຍທີ່ກ່ຽວຂ້ອງຕ້ອງເຮັດວຽກນຳກັນເພື່ອຮັບປະກັນໃຫ້ ທະເລຕາເວັນອອກແມ່ນເຂດທະເລແຫ່ງສັນຕິພາບ, ສະຖຽນລະພາບ ແລະ ການຄ້າສາກົນ. ທ່ານກໍ່ເນັ້ນໜັກວ່າ ອາຊຽນສາມາດຮັກສາໄດ້ບົດບາດແມ່ນປັດໄຈຍຸດທະສາດ ກໍ່ຕໍ່ເມື່ອບັນດາປະເທດສະມາຊິກທັງໝົດ ມີຄວາມສາມັກຄີ ແລະ ເຮັດວຽກນຳກັນດ້ວຍຄວາມເປັນເອກະພາບ.