ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ ໃຫ້ການຕ້ອນຮັບທ່ານ Naotoshi Okada ປະທານກຸ່ມບໍລິສັດສື່ສານ Nikkei ຍີ່ປຸ່ນ

ກ່າວຄຳເຫັນທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ: ຫວຽດນາມ ຖືເປັນສຳຄັນ ແລະ ຕີລາຄາສູງບົດບາດ, ບັນດາການປະກອບສ່ວນຢ່າງຕັ້ງໜ້າຂອງ Nikkei, ອົງການສື່ມວນຊົນແຖວໜ້າຂອງ ຍີ່ປຸ່ນ ສຳລັບການພົວພັນ 2 ປະເທດ.

        ທ່ານນາຍົກລັດຖະມົນຕີ ຫງວຽນຊວນຟຸກ ປາດຖະໜາວ່າ: ໃນໄລຍະຈະມາເຖິງ ບັນດາວິສາຫະກິດ ຍີ່ປຸ່ນ ຈະລົງທຶນເຂົ້າ ຫວຽດນາມ ຢ່າງແຮງ; ສະເໜີ Nikkei ເຜີຍແຜ່ສານຂອງລັດຖະບານ ຫວຽດນາມ ຢ່າງແຮງ ວ່າຈະສ້າງທຸກເງື່ອນໄຂສະດວກໃຫ້ບັນດາວິສາຫະກິດ ຍີ່ປຸ່ນ ທຳມາຄ້າຂາຍສະດວກຢູ່ ຫວຽດນາມ.

        ທ່ານນາຍົກລັດຖະມົນຕີ ຫງວຽນຊວນຟຸກ ສະແດງຄວາມເຊື່ອໝັ້ນຢ່າງເລິກເຊິ່ງເຂົ້າໃນແງ່ຫວັງການພົວພັນອັນສົດໃສລະຫວ່າງ 2 ປະເທດ, ກ່ອນອື່ນໝົດແມ່ນຂົງເຂດ ເສດຖະກິດ, ການຄ້າ, ການລົງທຶນ, ທ່ານນາຍົກລັດຖະມົນຕີ ຫວັງວ່າ Nikkei ຈະສືບຕໍ່ຮ່ວມເດີນທາງ ແລະ ລະດົມໃຫ້ການພັດທະນາຂອງສາຍພົວພັນຮ່ວມມືມິດຕະພາບອັນດີງາມລະຫວ່າງ ຫວຽດນາມ - ຍີ່ປຸ່ນ.