ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ກ່າວຄໍາເຫັນທີ່ກອງປະຊຸມ

        ທີ່ກອງປະຊຸມ, ທ່ານນາຍົກລັດຖະມົນຕີ ໄດ້ຕົກລົງເຫັນດີຕໍ່ບັນດາຄໍາເຫັນທີ່ຖືວ່າ, ພາຍຫຼັງປະຕິບັດມາເປັນເວລາ 3 ປີ, ທັງລະບົບຈັດຕັ້ງການສິນເຊື່ອໄດ້ມີການຜັນປ່ຽນຢ່າງຕັ້ງໜ້າ, ມີບາດກ້າວເດີນໃຫຍ່ ນັບທັງຂອບຂະໜາດດ້ານການເງິນ, ຄຸນນະພາບການສິນເຊື່ອ ແລະ ປັບປຸງການເຄື່ອນໄຫວທຸກດ້ານ. ລະບົບມີຄວາມປອດໄພກວ່າ, ພັກ, ລັດ ແລະ ປະຊາຊົນມີຄວາມອຸ່ນອ່ຽນໃຈກວ່າ. ດັດຊະນີສໍາຄັນຫຼາຍຢ່າງໄດ້ຮັບການປົວແປງຢ່າງເຫັນໄດ້ຊັດ.

        ທ່ານນາຍົກລັດຖະມົນຕີ ຫງວຽນຊວັນຟຸກ ຊີ້ແຈ້ງວ່າ, ເນື້ອໃນຈິດໃຈລວມ ແມ່ນຕ້ອງສືບຕໍ່ປະຕິບັດບັນດາມາດຕະການຍູ້ແຮງການສ້າງໂຄງປະກອບລະບົບບັນດາອົງການສິນເຊື້ອຄືນໃໝ່ ຕິດພັນກັບການແກ້ໄຂໜີ້ແກ່ຍາວ, ຮັບປະກັນປະສິດທິຜົນ, ຄວາມປອດໄພຂອງລະບົບ ແລະ ເງິນຕາສິນເຊື້ອ ພ້ອມກັນນັ້ນ ຜ່ານການສ້າງໂຄງປະກອບຄືນໃໝ່ເພື່ອໜູນຊ່ວຍຊຸກຍູ້ການຟື້ນຟູ ແລະ ພັດທະນາເສດຖະກິດ - ສັງຄົມ ຕໍ່ໜ້າຜົນກະທົບຂອງໂລກລະບາດໂຄວິດ - 19./.