ທ່ານນາຍົກລັດຖະມົນຕີຫງວຽນຊວນຟຸກ:ຫວຽດນາມຍາມໃດກໍ່ເອົາໃຈໃສ່ແລະສຸມທຸກກຳລັງແຮງເພື່ອລົງທຶນກະສິກຳ,ຊົນນະບົດ

(VOVWORLD) -ທ່ານນາຍົກລັດຖະມົນຕີ ເນັ້ນຫນັກວ່າ: ປະເທດຫວຽດນາມ ຈະເລີນຮຸ່ງເຮືອງເຂັ້ມແຂງໃນປີ 2045 ກໍ່ແມ່ນຄວາມຄາດຫວັງຂອງຊາວກະສິກອນຫວຽດນາມ ກ່ຽວກັບພື້ນຖານກະສິກຳ ຫວຽດນາມ ພັດທະນາຢ່າງແຮງ.

ທ່ານນາຍົກລັດຖະມົນຕີຫງວຽນຊວນຟຸກ:ຫວຽດນາມຍາມໃດກໍ່ເອົາໃຈໃສ່ແລະສຸມທຸກກຳລັງແຮງເພື່ອລົງທຶນກະສິກຳ,ຊົນນະບົດ - ảnh 1 ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໂອ້ລົມສົນທະນາກັບຊາວກະສິກອນ

ພາບ:laodong.vn

ຕອນບ່າຍວັນທີ 28 ກັນຍາ, ຢູ່ ນະຄອນ ບວນມາທວດ ແຂວງ ດັກລັກ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ໂອ້ລົມສົນທະນາກັບຊາວກະສິກອນເປັນຄັ້ງທີ 3. ກ່າວຄຳເຫັນນະທີ່ນີ້ ທ່ານນາຍົກລັດຖະມົນຕີ ເນັ້ນຫນັກຄືນທີ່ຕັ້ງສຳຄັນຂອງກະສິກຳ, ຊາວກະສິກອນ ແລະ ຊົນນະບົດຫວຽດນາມ ສຳລັບບັນດາໄລຍະພັດທະນາຂອງປະເທດຊາດ.

            “ກ່ອນອື່ນໝົດ ຄວນເປີດກວ້າງບັນດາຕະຫລາດສົ່ງອອກ, ເປັນຕົ້ນເມື່ອສັນຍາການຄ້າເສລີ ຫວຽດນາມ - ອີຢູ ມີຜົນສັກສິດ; ຊຸກຍູ້ອຸດສາຫະກຳປຸງແຕ່ງ. ໃນສະພາບການໃຫມ່, ມີສອງບັນຫາວາງອອກໃຫ້ແກ່ຊາວກະສິກອນຫວຽດນາມ. ທີຫນຶ່ງ ຄວນສ້າງຊາວກະສິກອນມີຈີນຕະນາການໃຫມ່, ມີຄວາມຮູ້, ປັນຍາໃຫມ່. ທີສອງ ຍົກສູງລັກສະນະເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງຂອງຊາວກະສິກອນຫວຽດນາມ.”

ທ່ານນາຍົກລັດຖະມົນຕີ ຫງວຽນຊວນຟຸກ ໂອ້ລົມສົນທະນາກັບຊາວກະສິກອນກ່ຽວກັບ 2 ໝວດບັນຫາຕົ້ນຕໍ. ທີຫນຶ່ງ: ແກ້ໄຂບັນດາຄວາມຫຍຸ້ງຍາກ, ຂໍ້ຕິດຂັດໃນການຜະລິດກະສິກຳ, ກໍ່ສ້າງຊົນນະບົດໃຫມ່, ຊຸກຍູ້ອຸດສາຫະກຳປຸງແຕ່ງ, ຈຳຫນ່າຍ ແລະ ສົ່ງອອກຜະລິດຕະພັນກະເສດ. ທີສອງແມ່ນແກ້ໄຂບັນດາບັນຫາກ່ຽວຂ້ອງເຖິງຮັບປະກັນຊີວິດສັງຄົມ, ສ້າງຊີວິດເປັນປົກກະຕິ, ອະນຸລັກຮັກສາ ແລະ ເສີມຂະຫຍາຍສີສັນວັດທະນະທຳຂອງບັນດາເຜົ່າຢູ່ພາກກາງ ແລະ ເຂດໄຕງວຽນ.

ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ: ສິ່ງທ້າທາຍຍິ່ງແຮງ ຄວາມຕັດສິນໃຈຂອງລັດຖະບານສຳລັບກະສິກຳ, ຊາວກະສິກອນ ແລະ ຊົນນະບົດຍິ່ງເຂັ້ມແຂງກວ່າ. ທ່ານນາຍົກລັດຖະມົນຕີ ເນັ້ນຫນັກວ່າ: ປະເທດຫວຽດນາມ ຈະເລີນຮຸ່ງເຮືອງເຂັ້ມແຂງໃນປີ 2045 ກໍ່ແມ່ນຄວາມຄາດຫວັງຂອງຊາວກະສິກອນຫວຽດນາມ ກ່ຽວກັບພື້ນຖານກະສິກຳ ຫວຽດນາມ ພັດທະນາຢ່າງແຮງ.

ຕອບກັບ

ຂ່າວ/ບົດ​ອື່ນ