ທ່ານປະທານປະເທດ ຫວຽດນາມ ຫງວຽນຊວັນຟຸກ ໄຫວ້ອາໄລພະມະຫາອາຈານ ທິກໂຟເຕ້ວະ (ພາບ: TTXVN)

ຕອນເຊົ້າວັນທີ 22 ຕຸລາ, ທ່ານປະທານປະເທດ ຫວຽດນາມ ຫງວຽນຊວັນຟຸກ ໄດ້ໄປວັດ ຣາງ, ຕາແສງ ກວາງລ້າງ, ເມືອງ ຟູຊວຽນ, ນະຄອນ ຮ່າໂນ້ຍ, ໄຫວ້ອາໄລພະມະຫາອາຈານ ທິກໂຟເຕ້ວະ, ສາດສະດາສະພາສົງສະມາຄົມພຸດທະສາສະໜາ ຫວຽດນາມ. ທີ່ພິທີໄຫວ້ອາໄລ, ທ່ານປະທານປະເທດ ຫງວຽນຊວັນຟຸກ ໄດ້ວາງພວງມາລາ, ຈູບທູບໃຕ້ທຽນ ແລະ ອາໄລຫາດວງວິນຍານພະມະຫາອາຈານ ທິກໂຟເຕ້ວະ.

        ເມື່ອຂຽນໃສ່ປື້ມໄວ້ອາໄລ, ທ່ານປະທານປະເທດ ໄດ້ສະແດງຄວາມໂສກເສົ້າເສຍດາຍຕໍ່ ພະມະຫາອາຈານ ທິກໂຟເຕວະ, ສາດສະດາສະມາຄົມພຸດທະສາສະໜາ ຫວຽດນາມ,  ເຊິ່ງເປັນນັກບວດມີພັນສາສູງ ແລະ ເຕັມໄປດ້ວຍຄຸນນະທຳຂອງພຸດທະສາສະໜາສະໄໝປະຈຸບັນ, ແມ່ນສັນຍາລັກແຫ່ງນ້ຳໃຈສາມັກຄີປອງດອງຊາດ, ສາມັກຄີສາສະໜາ. ດ້ວຍການອຸທິດສ່ວນຢ່າງໃຫຍ່ຫຼວງໃຫ້ແກ່ປະເທດຊາດ, ລັດ ໄດ້ຮັບຮູ້ ແລະ ມອບຫຼຽນໄຊ ໂຮ່ຈີມີນ ພ້ອມກັບຫຼາຍລາງວັນອັນສູງສົ່ງໃຫ້ ພະມະຫາອາຈານ ທິກໂຟເຕວະ.

        ພະມະຫາອາຈານ ທິກໂຟເຕວະ ແມ່ນສາດສະດາສະພາສົງສະມາຄົມພຸດທະສາສະໜາ ຫວຽດນາມ, ອະດີດຮອງປະທານສະພາບໍລິຫານງານ; ອະດີດຫົວໜ້າຄະນະບໍລິຫານງານສະມາຄົມພຸດທະສາສະໜາຫວຽດນາມ ແຂວງ ຮ່າໄຕ (ປະຈຸບັນແມ່ນນະຄອນ ຮ່າໂນ້ຍ); ກຳມະການຄະນະກຳມະການສູນກາງແນວໂຮມປະເທດຊາດຫວຽດນາມ; ເຈົ້າອາວາດວັດ ວຽນມິງ (ວັດ ຣາງ).