ທ່ານປະທານປະເທດ ຫວຽດນາມ ຫງວຽນຊວັນຟຸກ: ຊຸກຍູ້ການພົວພັນປ້ອງກັນຊາດ, ປ້ອງກັນຄວາມສະຫງົບກັບຕ່າງປະເທດເພື່ອປົກປັກຮັກສາປະເທດຊາດ
(VOVWORLD) - ທ່ານ ຫງວຽນຊວັນຟຸກ ໄດ້ເນັ້ນໜັກວ່າ: ໃນໄລຍະທີ່ຈະມາເຖິງ, ໃນສະພາບການໂລກລະບາດໂຄວິດ - 19 ຍັງຜັນແປຢ່າງສັບສົນ, ກຳລັງກອງທັບ, ຕຳຫຼວດ ແລະ ບັນດາກຳລັງທີ່ກ່ຽວຂ້ອງຕ້ອງສືບຕໍ່ສົມທົບກັນ, ປະສານສົມທົບຢ່າງແໜ້ນແຟ້ນເພື່ອຜັນຂະຫຍາຍປະຕິບັດວຽກງານປ້ອງກັນ, ຕ້ານໂລກລະບາດໂຄວິດ - 19 ຢ່າງມີປະສິດທິຜົນ.
 ທ່ານປະທານປະເທດ ຫວຽດນາມ ຫງວຽນຊວັນຟຸກ ກ່າວຄຳເຫັນທີ່ກອງປະຊຸມ (ພາບ: TTXVN) |
ຕອນເຊົ້າວັນທີ 7 ທັນວາ, ຢູ່ທຳນຽບປະທານປະເທດ ຫວຽດນາມ, ທ່ານປະທານປະເທດ ຫວຽດນາມ ຫງວຽນຊວັນຟຸກ, ປະທານສະພາປ້ອງກັນຊາດ ແລະ ປ້ອງກັນຄວາມສະຫງົບ, ໄດ້ເປັນປະທານວາລະປະຊຸມຄັ້ງທີ 1 ຂອງ ສະພາປ້ອງກັນຊາດ ແລະ ປ້ອງກັນຄວາມສະຫງົບອາຍຸການ 2021 – 2026. ທ່ານ ຫງວຽນຊວັນຟຸກ ໄດ້ເນັ້ນໜັກວ່າ: ໃນໄລຍະທີ່ຈະມາເຖິງ, ໃນສະພາບການໂລກລະບາດໂຄວິດ - 19 ຍັງຜັນແປຢ່າງສັບສົນ, ກຳລັງກອງທັບ, ຕຳຫຼວດ ແລະ ບັນດາກຳລັງທີ່ກ່ຽວຂ້ອງຕ້ອງສືບຕໍ່ສົມທົບກັນ, ປະສານສົມທົບຢ່າງແໜ້ນແຟ້ນເພື່ອຜັນຂະຫຍາຍປະຕິບັດວຽກງານປ້ອງກັນ, ຕ້ານໂລກລະບາດໂຄວິດ - 19 ຢ່າງມີປະສິດທິຜົນ, ຮັບປະກັນທິດນຳຮັບມືຢ່າງປອດໄພ, ມີໄຫວພິບ, ຄວບຄຸມໂລກລະບາດຢ່າງມີປະສິດທິຜົນ; ສືບຕໍ່ເພີ່ມທະວີວຽກງານກຳແໜ້ນສະພາບການທີ່ກ່ຽວຂ້ອງເຖິງຄວາມໝັ້ນຄົງດ້ານເສດຖະກິດ, ໂດຍສະເພາະແມ່ນຕີລາຄາບັນດາຜົນກະທົບຈາກໂລກລະບາດໂຄ ວິດ - 19 ຕໍ່ການເຄື່ອນໄຫວເສດຖະກິດ - ສັງຄົມຂອງ ຫວຽດນາມ ແລະ ສາກົນ.
ກ່ຽວກັບໜ້າທີ່ເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ, ທ່ານປະທານປະເທດ ຫງວຽນຊວັນຟຸກ ເນັ້ນໜັກວ່າກຳລັງກອງທັບຕ້ອງສືບຕໍ່ຄົ້ນຄວ້າເປິດກວ້າງກຳລັງ ແລະ ບໍລິເວນເຂົ້າຮ່ວມ. ໂດຍສະເພາະກຳລັງຕຳຫຼວດສຸມໃສ່ຍູ້ແຮງວຽກງານບຳລຸງສ້າງ, ຝືກອົບຮົມເພື່ອກະກ່ຽມສົ່ງພະນັກງານ, ນາຍທະຫານເຂົ້າຮ່ວມບັນດາການເຄື່ອນໄຫວຮັກສາສັນຕິພາບແຫ່ງ ສປຊ.