ໃນຈົດໝາຍ, ທ່ານປະທານປະເທດ ເຈີ່ນດ້າຍກວາງ ໄດ້ຂຽນວ່າ: ຫວຽດນາມ ຕີລາຄາສູງຫົວຂໍ້ຂອງ AIPA 38 ແມ່ນ “AIPA ແລະ ອາຊຽນ: ຄູ່ຮ່ວມມືເພື່ອການປ່ຽນແປງຮອບດ້ານ”, ສະແດງໃຫ້ເຫັນບາດກ້າວພັດທະນາສຳຄັນ ແລະ ຫວັງວ່ານຳມາເຊິ່ງພະລັງຊີວິດໃໝ່ໃຫ້ແກ່ AIPA ແລະ ອາຊຽນ, ມຸ່ງໄປເຖິງອະນາຄົດອັນດີງາມກ່ວາໃຫ້ແກ່ພາກພື້ນອາຊີຕາເວັນອອກສ່ຽງໃຕ້ກໍ່ຄືແຕ່ລະປະເທດ, ແຕ່ລະລັດຖະສະພາສະມາຊິກ. AIPA 38 ໄດ້ຮັບການຈັດຕັ້ງໃນສະພາບການໂລກ ແລະ ພາກພື້ນມີການຜັນແປສັບສົນ, ວ່ອງໄວ, ຍາກທີ່ຄາດຄະເນລ່ວງໜ້າໄດ້. ປະຊາຄົມ ອາຊຽນ ໄດ້ມານະພະຍາຍາມ ຮັກສາຄວາມສາມັກຄີ, ຄວາມເປັນເອກະພາບ, ສ້າງສາ ແລະ ພັດທະນາປະຊາຄົມດ້ວຍວິໄສທັດຮອດປີ 2025, ປັບປຸງບົດບາດໃຈກາງຂອງ ອາຊຽນ ໃນການຮັບມືຢ່າງມີປະສິດທິຜົນກັບບັນດາສິ່ງທ້າທາຍກ່ຽວກັບຄວາມໝັ້ນຄົງແບບເກົ່າ ແລະ ແບບໃໝ່, ຮັກສາ, ຊຸກຍູ້ສັນຕິພາບ, ສະຖຽນລະພາບຢູ່ພາກພື້ນ, ແກ້ໄຂການຂັດແຍ້ງກັນໂດຍສັນຕິວິທີບົນພື້ນຖານກົດໝາຍສາກົນ.