ທ່ານປະທານປະເທດ ເຈິ່ນດ້າຍກວາງ ຕ້ອນຮັບທ່ານເອກອັກຄະລັດຖະທູດ ອາເມລິກາ ປະຈຳ ຫວຽດນາມ Ted Osius
Foto:TTXVN
|
(vovworld) – ຕອນບ່າຍວັນທີ 31/3, ຢູ່ສຳນັກງານປະທານປະເທດ, ທ່ານປະທານປະເທດ ເຈິ່ນດ້າຍກວາງ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດ ອາເມລິກາ ປະຈຳ ຫວຽດນາມ Ted Osius ເຂົ້າຢ້ຽມຄຳນັບ ແລະແລກປ່ຽນກ່ຽວກັບການພົວພັນ ຫວຽດນາມ - ອາເມລິກາ, ໃນນັ້ນມີເລື່ອງຮ່ວມມືຈັດຕັ້ງປີ APEC 2017 ແລະກອງປະຊຸມຂັ້ນສູງ APEC ຄັ້ງທີ 25 ຢູ່ ຫວຽດນາມ. ນະທີ່ນີ້, ທ່ານປະທານປະເທດ ເຈິ່ນດ້າຍກວາງ ເນັ້ນໜັກວ່າ, ທັງສອງຝ່າຍຄວນສືບຕໍ່ຊຸກຍູ້ບັນດາການຢ້ຽມຢາມຂັ້ນສູງ ແລະ ການພົບປະລະຫວ່າງການນຳສອງປະເທດ, ສິ່ງດັ່ງກ່າວມີຄວາມໝາຍສຳຄັນໃນການເພີ່ມທະວີຄວາມເຂົ້າອົກເຂົ້າໃຈ ແລະ ສ້າງຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ. ທ່ານປະທານປະເທດ ເຈິ່ນດ້າຍກວາງ ເນັ້ນໜັກວ່າ ຫວຽດນາມ ຊົມເຊີຍເລື່ອງ ອາເມລິກາ ສືບຕໍ່ເພີ່ມທະວີການຮ່ວມມືກັບບັນດາປະເທດໃນພາກພື້ນ ໃນການຮັກສາຄວາມເສລີໃນການເດີນທະເລ, ການບິນ, ສະໜັບສະໜູນເລື່ອງແກ້ໄຂການຂັດແຍ້ງກັນຜ່ານບັນດາມາດຕະການທາງການທູດ, ການເຈລະຈາ ແລະ ອີງຕາມກົດໝາຍສາກົນ.
ສ່ວນທ່ານເອກອັກຄະລັດຖະທູດ Ted Osius ກໍ່ຢືນຢັນຈະສືບຕໍ່ຊຸກຍູ້ອຳນາດການປົກຄອງ, ສະພາແຫ່ງຊາດ, ປະຊາຄົມວິສາຫະກິດ ອາເມລິກາ ເພີ່ມທະວີການພົວພັນລະຫວ່າງສອງປະເທດ; ພ້ອມທັງເນັ້ນໜັກວ່າ ການພົວພັນຄູ່ຮ່ວມມືຮອບດ້ານ ອາເມລິກາ - ຫວຽດນາມ ພວມໄດ້ຮັບການພັດທະນາຢ່າງຕັ້ງໜ້ານັບທັງສອງຝ່າຍ, ພາກພື້ນ ແລະ ໂລກ.