ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ເຂົ້າຮ່ວມພິທີເປີດນຳໃຊ້ 4 ໂປແກຼມເຕັກໂນໂລຢີຂໍ້ມູນຂ່າວສານໃນຂົງເຂດສານ
(VOVWORLD) - ຕອນເຊົ້າວັນທີ 8 ມັງກອນ, ຢູ່ສຳນັກງານ ສານປະຊາຊົນສູງສຸດ (ຮ່າໂນ້ຍ), ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ໄດ້ເຂົ້າຮ່ວມພິທີເປີດນຳໃຊ້ລະບົບສູນຂໍ້ມູນເອກະສານ - ຫໍສະໝຸດ, ສູນຕິດຕາມກວດກາ ແລະ ບໍລິຫານ, ຊອັບແວຊ່ວຍວຽກຜູ້ພິພາກສາ, ລະບົບພິພາກສາແບບທາງໄກໃຫ້ສານປະຊາຊົນ.
 ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ພ້ອມດ້ວຍການນຳເຂົ້າຮ່ວມພິທີ (ພາບ: VOV)
|
ກ່າວຄຳເຫັນທີ່ພິທີ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ເນັ້ນໜັກວ່າ:
“ມີຫຼາຍການບໍລິການສາທາລະນະອອນລາຍທາງສານ ໄດ້ຜັນຂະຫຍາຍປະຕິບັດ ແລະ ບັນລຸໄດ້ໝາກຜົນທີ່ຕັ້ງໜ້າ. ຍິ່ງເປີດເຜີຍ, ໂປ່ງໃສດ້ານໜຶ່ງແມ່ນເພື່ອໃຫ້ປະຊາຊົນຮັບຮູ້, ອີກດ້ານໜຶ່ງແມ່ນເປັນສະພາບແວດລ້ອມທີ່ດີທີ່ສຸດເພື່ອໃຫ້ປະຊາຊົນ, ຜູ້ມີສິດເລືອກຕັ້ງໄດ້ຕິດຕາມກວດກາເບິ່ງຄືນການເຄື່ອນໄຫວຂອງສານ. ລະບົບກອງປະຊຸມທາງໄກເຊື່ອມຕໍ່ກັບ ສານໃນທົ່ວປະເທດ ໄດ້ສ້າງສະພາບແວດລ້ອມເຮັດວຽກທີ່ມີການກະທົບຕອບຢ່າງວ່ອງໄວ, ທັນການ ແລະ ມີປະສິດທິຜົນລະຫວ່າງ ສານແຫ່ງຕ່າງໆ ປະກອບສ່ວນເຂົ້າໃນການປະຢັດງົບປະມານໃນການຈັດຕັ້ງກອງປະຊຸມ, ການສຳມະນາ ແລະ ການຈັດຊຸດຝຶກອົບຮົມ”.
ເລຕວຽດ