ທ່ານເລຂາທິການໃຫຍ່ຫງວຽນຟຸຈ້ອງຢ້ຽມຢາມແລະອວຍພອນໜັງສືພິມກອງທັບປະຊາຊົນ
ທ່ານເລຂາທິການໃຫຍ່ຫງວຽນຟຸຈ້ອງ
ຢ້ຽມຢາມແລະອວຍພອນໜັງສືພິມກອງທັບປະຊາຊົນ
(ພາບ: qdnd)
(vovworld) – ຕອນເຊົ້າວັນທີ 19/10, ທ່ານເລຂາທິການໃຫຍ່ ຄະນະບໍລິຫານງານສູນກາງພັກ ກອມມູນິດຫວຽດນາມ ຫງວຽນຟຸຈ້ອງ, ເລຂາຄະນະພັກການທະຫານສູນກາງ, ໄດ້ລົງຢ້ຽມຢາມ ແລະ ອວຍພວມບັນດາພະນັກງານ, ພາລະກອນ, ນັກຮົບສັງກັດໜັງສືພິມ ກວນໂດຍເຍີນຢີນ (ສຽງຂອງກອງທັບປະຊາຊົນຫວຽດນາມ), ເນື່ອງໃນໂອກາດສະເຫຼີມສະຫຼອງ 65 ປີແຫ່ງໜັງສືພິມອອກສະບັບທຳອິດ (20/10/1950 – 20/102015). ກ່າວຄຳເຫັນຢູ່ທີ່ນີ້, ທ່ານເລຂາທິການໃຫຍ່ ຫງວຽນຟຸຈ້ອງ ສະເໜີໃຫ້ໜັງສືພິມກອງທັບປະຊາຊົນ ໃນໄລຍະຈະມາເຖິງ ຕ້ອງກະກຽມບັນດາເງື່ອນໄຂເພື່ອຕອບສະໜອງຄວາມຕ້ອງການ ສ້າງໜັງສືພິມໃຫ້ກາຍເປັນອົງການສື່ມວນຊົນຫຼາຍຮູບການ. ໃນນັ້ນ, ຕ້ອງຮັກສາທິດນຳ, ຈຸດປະສົງຂອງໜັງສືພິມກອງທັບປະຊາຊົນ, ແມ່ນສຽງເວົ້າຂອງປະຊາຊົນ, ຂອງກຳລັງປະກອບອາວຸດ. ພ້ອມທັງຕ້ອງມີຫົວຄິດປະດິດສ້າງຢ່າງບໍ່ຢຸດຢັ້ງ, ກຳແນ້ນໄດ້ສິ່ງໃໝ່, ເພື່ອຕອບສະໜອງຄວາມຕ້ອງການດ້ານຂໍ້ມູນຂ່າວສານທີ່ຫຼາຍຮູບຫຼາຍແບບຂອງມວນຊົນ… ທ່ານເລຂາທິການໃຫຍ່ ຫງວຽນຟຸຈ້ອງ ປາດຖະໜາວ່າ, ໜັງສືພິມກອງທັບປະຊາຊົນ ສືບຕໍ່ໂຄສະນາ, ນຳພາບພົດຂອງຫວຽດນາມ, ກອງທັບປະຊາຊົນຫວຽດນາມ ອອກສູ່ໂລກ, ພ້ອມທັງໃຫ້ຂໍ້ມູນກ່ຽວກັບບັນດາບັນຫາສຳຄັນຂອງໂລກ.