ນັກຮຽນຮູ້ສາກົນມີຄວາມວິຕົກວັງວົນຕໍ່ການກະທຳຂອງຈີນຢູ່ທະເລຕາເວັນອອກ
ຈີນ ໄດ້ຜັນຂະຫຍາຍກຳປັ່ນລຳໃຫຍ່ຫຼາຍລຳເພື່ອປ້ອງກັນຮ້ານເຈາະນ້ຳມັນ
(ພາບ: baodatviet.vn)
(vovworld) – ວັນທີ 5/6, ຢູ່ສະຖາບັນການພົວພັນສາກົນ ນອກເວ (NUPI) ໄດ້ດຳເນີນກອງປະຊຸມສຳມະນາ “ການປ້ອງກັນຄວາມສະຫງົບຢູ່ທະເລ ອາຊີ ຕາເວັນອອກ”. ເນື້ອໃນຕົ້ນຕໍ່ຂອງກອງປະຊຸມສຳມະນາໄດ້ສຸມໃສ່ເຂົ້າໃນບັນດາການທ້າທາຍທີ່ມີຕໍ່ຄວາມສະຫງົບປອດໄພທະເລ ອາຊີ ຕາເວັນອອກ, ໂດຍລະອຽດແມ່ນ: ບັນດາການຄວາມເຄັ່ງຕຶງໃໝ່ທີ່ສາມາດກໍ່ໃຫ້ເກີດການປະທະກັນຢູ່ທະເລ ຮວາຕູງ ແລະ ທະເລຕາເວັນອອກ, ຄຳຮຽກຮ້ອງຕ້ອງການຢ່າງຮີບດ່ວນໃນການສ້າງຄວາມໄວ້ເນື້ອເຊື່ອໃຈ ແລະ ເພີ່ມທະວີການຮ່ວມມືປ້ອງກັນຄວາມສະຫງົບຢູ່ທະເລ ອາຊີ - ປາຊີຟິກ. ກ່ຽວກັບຄວາມສະຫງົບຢູ່ທະເລຕາເວັນອອກ, ບັນດາຜູ້ແທນມີຄວາມວິຕົກວັງວົນພິເສດຕໍ່ການກະທຳພຽງລຳພັງຝ່າຍດຽວ, ໂດຍບໍ່ຫົວຊາຕໍ່ກົດໝາຍສາກົນຂອງ ຈີນ ເມື່ອຕັ້ງຮ້ານເຈາະນ້ຳມັນຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງ ຫວຽດນາມ, ຖືວ່າ, ສິ່ງດັ່ງກ່າວພວມກໍ່ຄວາມວິຕົກວັງວົນກ່ຽວກັບຄວາມໝັ້ນຄົງ ປອດໄພໃນການເດີນທະເລສາກົນ. ຕາມບັນດາຜູ້ແທນແລ້ວ, ເລື່ອງ ຈີນ ຮຽກຮ້ອງອຳນາດຜະເດັດການອັນທີ່ເອີ້ນວ່າ “ເສັ້ນລີ້ນງົວ 9 ຕອນ” ໃນທະເລຕາເວັນອອກແມ່ນບໍ່ມີພື້ນຖານນິຕິກຳຢ່າງສົມບູນ.