ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ຢັ້ງຢືນວ່າ ທົ່ງພຽງແມ່ນ້ຳຂອງມີທີ່ຕັ້ງຍຸດທະສາດສຳຄັນ, ມີພົນລະເມືອງດຳລົງຊີວິດ ກວ່າ 20 ລ້ານຄົນ, ທ່ານນາຍົກລັດຖະມົນຕີ ຖືວ່າ ນີ້ແມ່ນບ່ອນທີ່ຖືກຜົນກະທົບຢ່າງຮ້າຍແຮງຈາກການປ່ຽນແປງຂອງດິນຟ້າອາກາດ. ໃນນັ້ນ, ສະພາບການຝັ່ງແມ່ນ້ຳຖືກເຊາະເຈື່ອນ, ລຳຄອງຮ່ອງເໝືອງແມ່ນ້ຳລຳເຊ, ຝັ່ງທະເລ ນາບຂູ່ໂດຍກົງເຖິງຄວາມປອດໄພຂອງບັນດາເຂດຊຸມຊົນ, ກິດຈະກຳພື້ນຖານໂຄງລ່າງແຄມແມ່ນ້ຳ, ແຄມທະເລ. ທ່ານນາຍົກລັດຖະມົນຕີ ເນັ້ນໜັກວ່າ ເລື່ອງສຸມໃສ່ບັນດາແຫຼ່ງກຳລັງ ເພື່ອແກ້ໄຂສະພາບການປ່ຽນແປງຂອງດິນຟ້າອາກາດຢູ່ທົ່ງພຽງແມ່ນ້ຳຂອງ ແມ່ນສິ່ງທີ່ຈຳເປັນທີ່ສຸດ ເພື່ອຮັບປະກັນຄວາມປອດໄພຊີວິດອິນຊີ ແລະ ຊັບສິນຂອງປະຊາຊົນ.

        ທ່ານນາຍົກລັດຖະມົນຕີ ໄດ້ຮຽກຮ້ອງໃຫ້ທຸກກະຊວງ, ພິເສດແມ່ນບັນດາທ້ອງຖິ່ນໃນເຂດຜັນຂະຫຍາຍບັນດາມາດຕະການຢ່າງຄົບຊຸດ, ທັນການກວ່າ ຈົ່ງມີບັນດາວິທີແກ້ໄຂເພື່ອປະຕິບັດມະຕິຂອງລັດຖະບານ ກ່ຽວກັບການພັດທະນາເຂດທົ່ງພຽງແມ່ນ້ຳຂອງ ແບບຍືນຍົງ ຮັບມືກັບການປ່ຽນແປງຂອງດິນຟ້າອາກາດ. ເອົາໃຈໃສ່ເປັນພິເສດເຖິງມາດຕະການປູກປ່າຮັກສາທີ່ດິນ, ວາງແຜນຜັງເຂດຊຸມຊົນຄືນໃໝ່, ຕັ້ງຖິ່ນຖານຄົງທີ່ຄືນໃໝ່ ແລະ ວາງແຜນການ ການຜະລິດຄືນໃໝ່.  ຊຸກຍູ້ການພົວພັນຮ່ວມມືກັບສາກົນ,  ກັບບັນດາປະເທດພາຍໃນພາກພື້ນໃນການດັດສົມກະແສນ້ຳໄຫຼ, ພິເສດແມ່ນໃນລະດູແລ້ງ.