ບໍ່ຄວນຖືເບົາວຽກງານປ້ອງກັນ ແລະ ຕ້ານພາຍຸ Dianmu
ທ່ານຮອງນາຍົກລັດຖະມົນຕີຫວຽດນາມ ວູ້ດຶກດາມ ລົງໄປກວດກາວຽກງານປ້ອງກັນ ແລະ ຕ້ານພາຍຸໃນແຂວງແທງຮ້ວາ |
(vovworld)- ບໍ່ຄວນຖືເບົາວຽກງານປ້ອງກັນ ແລະ ຕ້ານພາຍຸ Dianmu. ນີ້ແມ່ນຄຳຢືນຢັນຂອງທ່ານຮອງນາຍົກລັດຖະມົນຕີຫວຽດນາມ ວູ້ດຶກດາມ ເມື່ອລົງໄປກວດກາວຽກງານປ້ອງກັນ ແລະ ຕ້ານພາຍຸໃນແຂວງແທງຮ້ວາເມື່ອວັນທີ 19/8. ທ່ານຮອງນາຍົກລັດຖະມົນຕີຫວຽດນາມ ວູ້ດຶກດາມ ເນັ້ນໜັກວ່າ ທາງແຂວງຄວນປະຕິບັດຕາມໂທລະເລກຊີ້ນຳຂອງສູນກາງຢ່າງເຂັ້ມງວດ; ຕິດຕາມການຜັນແປ, ທິດເຄື່ອນຂອງພາຍຸ ແລະ ກ່າວເຕືອນໃຫ້ອຳນາດການປົກຄອງທ້ອງຖິ່ນ ແລະ ປະຊາຊົນຮັບຊາບເພື່ອເປັນເຈົ້າການຜັນຂະຫຍາຍບັນດາມາດຕະການຫຼີກລ້ຽງ, ຮັບມືກັບພາຍຸຢ່າງມີປະສິດທິຜົນ.
ແລະ ກໍໃນວັນດຽວກັນ, ທ່ານຮອງນາຍົກລັດຖະມົນຕີຫວຽດນາມ ເວືອງດິງເຫ້ວ ກໍໄດ້ລົງໄປກວດກາວຽກງານປ້ອງກັນ ແລະ ຕ້ານພາຍຸຢູ່ແຂວສງກວາງນິງ.