ບັນດາບັນຫາເຄັ່ງຮ້ອນທີ່ເກີດຂຶ້ນໃນກອງປະຊຸມສຸດຍອດ ອີຢູ (ພາບ The National)

ດ້ວຍລາຍການດຳເນີນງານສຸມໃສ່ເຂົ້າໃນບັນດາບັນຫາເຄັ່ງຮ້ອນຄື: ຊາວອົບພະຍົບ, ການປະຕິຮູບພາກພື້ນໃຊ້ສະກຸນເງິນຮ່ວມເອີຣົບ (Eurozone), ດຳເນີນການເຈລະຈາ Brexit (ອັງກິດ ຖອນອອກຈາກ ອີຢູ) ແລະ ງົບປະມານໄລຍະຍາວຂອງ ອີຢູ. ບັນຫາຊາວອົບພະຍົບຈະແມ່ນຫົວເລື່ອງຕົ້ນຕໍໃນລາຍການດຳເນີນງານຂອງກອງປະຊຸມສຸດຍອດຄັ້ງນີ້.

        ວັນທີ 28 ມິຖຸນາ, ອີຕາລີ ໄດ້ຄັດຄ້ານຖະແຫຼງການຮ່ວມຂອງກອງປະຊຸມສຸດຍອດສະຫະພາບ ເອີຣົບ (ອີຢູ) ແນໃສ່ກໍ່ກຳລັງກົດດັນ ບັງຄັບໃຫ້ບັນດາການນຳ ອີຢູ ຕ້ອງຊ່ວຍເຫຼືອປະເທດນີ້ໃຫ້ຫລາຍກ່ວາ ໃນການຮັບມືກັບກະແສຟອງຊາວອົບພະຍົບ.

        ແລະກໍ່ໃນວັນທີ 28 ມິຖຸນາ, ທ່ານນາງນາຍົກລັດຖະມົນຕີ ອັງກິດ Theresa May ຍອມຮັບວ່າ ຄວນຍູ້ “ໄວກ່ວາ” ວິວັດທະນາການເຈລະຈາ Brexit (ລອນດອນຖອນຕົວອອກຈາກສະຫະພາບ ເອີຣົບ - ອີຢູ), ພິເສດແມ່ນໃນສະພາບການບັນດາການນຳ ອີຢູ ກ່າວເຕືອນເວລາ ເພື່ອບັນລຸໄດ້ຂໍ້ຕົກລົງທີ່ເໝາະສົມແມ່ນຍັງບໍ່ຫລາຍ.