(vovworld) – ໂດຍສືບຕໍ່ວາລະປະຊຸມທີ 21, ຕອນເຊົ້າວັນທີ 10/9, ຄະນະປະຈຳສະພາແຫ່ງຊາດໄດ້ໃຫ້ຄຳເຫັນໃສ່ຮ່າງກົດໝາຍວ່າດ້ວຍການເຂົ້າອອກເມືອງ ແລະ ການຢູ່ອາໄສຂອງຊາວຕ່າງປະເທດຢູ່ຫວຽດນາມ. ທ່ານປະທານສະພາແຫ່ງຊາດ ຫງວຽນຊິງຮຸ່ງເປັນເຈົ້າພາບຈັດວາລະປະຊຸມ. ຕາມນັ້ນແລ້ວ, ຊາວຕ່າງປະເທດທີ່ເຂົ້າ, ອອກເມືອງ, ອາໄສຢູ່ຫວຽດນາມ ພຽງແຕ່ໄດ້ນຳໃຊ້ປັດສະປໍ ຫຼືໜັງສືຜ່ານແດນທີ່ມີຄູນຄ່າແທນໃຫ້ປັດສະປໍ ເພື່ອແກ້ໄຂສະພາບການທີ່ເກີດຂຶ້ນສຳລັບຜູ້ມີຫຼາຍສັນຊາດ. ກ່ຽວຂ້ອງເຖິງເງື່ອນໄຂອອກວີຊາ, ຄວາມເຫັນສ່ວນຫຼາຍສະເໜີ ຄວນກຳນົດເງື່ອນໄຂຕິດພ້ອມຢ່າງແໜ້ນແຟ້ນ, ລະອຽດກວ່າ… ທ່ານນາງ ເຈືອງທິມາຍ, ຫົວໜ້າກຳມາທິການບັນດາບັນຫາສາກົນຂອງສະພາແຫ່ງຊາດ, ປະກອບຄຳເຫັນວ່າ:
“ຂ້າພະເຈົ້າເຫັນດີຕໍ່ທັດສະນະເມື່ອອອກວີຊາໃຫ້ຊາວຕ່າງປະເທດເຂົ້າອອກແຮງງານຢູ່ຫວຽດນາມ ຕ້ອງມີເງື່ອນໄຂໄດ້ຮັບອະນຸຍາດຈາກອົງການທີ່ມີສິດອຳນາດ. ນັ້ນແມ່ນຂະແໜງແຮງງານ ທະຫານເສຍອົງຄະ ແລະ ສັງຄົມ, ດັ່ງນັ້ນ, ນີ້ແມ່ນເງື່ອນໄຂເພີ່ມເຕີມໃນຮ່າງກົດໝາຍນີ້. ໝາຍຄວາມວ່າມັນເປັນເງື່ອນໄຂຕາມຂໍ້ກຳນົດຂອງກົດໝາຍວ່າດ້ວຍແຮງງານ“.
ຜ່ານການປຶກສາຫາລື, ບັນດາສະມາຊິກຄະນະປະຈຳສະພາແຫ່ງຊາດ ໄດ້ເຫັນດີເປັນເອກະພາບວ່າ ຮ່າງກົດໝາຍສະບັບນີ້ມີເງື່ອນໄຂຢ່າງພຽງພໍ ເພື່ອຍື່ນສະເໜີຕໍ່ສະພາແຫ່ງຊາດປຶກສາຫາລືໃນກອງປະຊຸມສະໄໝສາມັນເທື່ອທີ 6 ຈະມາເຖິງ, ພ້ອມທັງສະເໜີໃຫ້ອົງການຮຽບຮຽງ ແລະ ອົງການກວດກາຕີລາຄາຮັບເອົາບັນດາຄຳເຫັນປຶກສາຫາລື, ເພີ່ມເຕີມ ແລະ ປັບປຸງກ່ອນທີ່ຈະຍື່ນສະເໜີຕໍ່ສະພາແຫ່ງຊາດ.