ທ່ານປະທານປະເທດ Truong Tan Sang ຕ້ອນຮັບ ທ່ານAndris Piebalgs.
(ພາບ: vietnamplus.vn)
(vovworld) - ຕອນບ່າຍວັນທີ 29/3, ຢູ່ສຳນັກງານປະທານປະເທດ, ທ່ານປະທານປະເທດ Truong Tan Sang ໄດ້ໃຫ້ການຕ້ອນຮັບຂ້າຫຼວງໃຫຍ່ກ່ຽວກັບການພັດທະນາສະຫະພາບເອີລົບ EU Andris ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານປະທານປະເທດຢືນຢັນວ່າ, ຫວຽດນາມ ຍາມໃດກໍ່ຖືເປັນສຳຄັນສາຍພົວພັນກັບ EU ແລະ ຫວຽດນາມ ຈະເປັນຂົວເຊື່ອມຕໍ່ ເພື່ອໃຫ້ EU ເປີດກວ້າງການຮ່ວມມືກັບບັນດາປະເທດໃນກຸມອາຊຽນ. ທ່ານປະທານປະເທດ Truong Tan Sang ເນັ້ນໜັກວ່າ, ສອງຝ່າຍຄວນເພີ່ມທະວີການພົວພັນດ້ານການຄ້າກວ່າອີກ, ນຳວົງເງິນການຄ້າສອງສົ້ນເພີ່ມຂຶ້ນກວ່າອີກໃນໄລຍະຈະມາເຖິງ.
ສ່ວນທ່ານຂ້າຫຼວງໃຫຍ່ Andris ກໍ່ຢືນຢັນວ່າ, EU ຈະສືບຕໍ່ໜູນຊ່ວຍເງິນ ODA ປະມານ 1 ຕຶ້ USD ໃຫ້ແກ່ຫວຽດນາມ, ພ້ອມທັງຊ່ວຍເຫຼືອລ້າໃຫ້ຫວຽດນາມ ໃນບັນດາຂົງເຂດສຶກສາ, ບຳລຸງສ້າງ, ສາທາລະນະສຸກ, ຖ່າຍທອດເຕັກໂນໂລຢີ, ຮັບມືກັບການປ່ຽນແປງຂອງດິນຟ້າອາກາດ..