ປະທານສະພາແຫ່ງຊາດ ຫງວຽນຊິງຮຸ່ງທະຫວາຍ ທູບທຽນໄຫ້ວອາໄລ ປະທານໂຮ່ຈິມິນ
(ພາບ: Nhan Sáng/TTXVN)
(vovworld)- ເນື່ອງໃນໂອກາດບຸນປີໃໝ່ປະຈຳຊາດ: ປີມະເມຍ 2014, ຕອນເຊົ້າວັນທີ 24/1, ທ່ານປະທານສະພາແຫ່ງຊາດຫງວຽນຊິງຮຸ່ງ ທະຫວາຍທູບທຽນໄຫ້ວອາໄລປະທານໂຮ່ຈິມິນ ຢູ່ເຂດປູສະນີຍະສະຖານປະທານໂຮ່ຈິມິນ ທີ່ສຳນັກງານປະທານປະເທດ.
ທ່ານປະທານສະພາແຫ່ງຊາດຫງວຽນຊິງຮຸ່ງ ສະແດງຄວາມຕື້ນຕັນໃຈຢ່າງເລິກເຊິ່ງ, ອາໄລຫາຄຸນງາມຄວາມດີອັນໃຫ່ຍຫຼວງຂອງປະທານໂຮ່ຈິມິນ. ໂດຍປະຕິບັດຄຳພິໄນກຳ, ຄວາມມຸ່ງມາດປາດຖະໜາຂອງເພິ່ນ, ສະພາແຫ່ງຊາດຍາມໃດກໍ່ປະຕິບັດໜ້າທີ່ເປັນຜູ້ຕາງໜ້າໃຫ້ແກ່ເຈດຈຳນົງ, ຄວາມມຸ່ງຫວັງຂອງຜູ້ມີສິດເລືອກຕັ້ງ ແລະ ປຊຊ ທົ່ວປະເທດເປັນຢ່າງດີ, ປ່ຽນໃໝ່ຢ່າງບໍ່ຢຸດຢັ້ງ ແລະ ຍົກສູງຄຸນນະພາບ, ປະສິດທິຜົນການເຄື່ອນໄຫວ, ພ້ອມກັບທົ່ວພັກ, ທົ່ວກອງທັບ, ທົ່ວປວງຊົນ ສ້າງສາປະເທດຊາດເພື່ອຈຸດປະສົງ ປຊຊ ຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ຍຸດຕິທຳ, ສີວິໄລ.
ທ່ານປະທານສະພາແຫ່ງຊາດຫງວຽນຊິງຮຸ່ງ ໃສ່ໃຈວ່າ: ພະນັກງານ, ພາລະກອນເຂດປູສະນີຍະສະຖານຕ້ອງສືບຕໍ່ມານະພະຍາຍາມຈົນສຸດຄວາມສາມາດຂອງຕົນໃນການເກັບຮັກສາບັນດາວັດຖຸພັນໃຫ້ລຸ້ນຫລັງ, ປະຕິບັດການແນະນຳກັບ ປຊຊ ທົ່ວປະເທດ ແລະ ເພື່ອນມິດ, ແຂກທ່ອງທ່ຽວສາກົນກ່ຽວກັບຊີວິດ ແລະ ພາລະກິດຂອງປະທານໂຮ່ຈິມິນ ເປັນຢ່າງດີ./.