(ພິທີພົບປະສັງສັນລະຫວ່າງການນຳສະພາແຫ່ງຊາດກັບບັນດາຜູ້ແທນ
ຊຶ່ງອະດີດເປັນສະມາຊິກສະພາແຫ່ງຊາດສະເພາະກິດຜ່ານໄລຍະຕ່າງໆ)
(vovworld) - ເນື່ອງໃນໂອກາດບຸນປີໃໝ່ປະຈຳຊາດປີວອກ 2016, ຕອນເຊົ້າວັນທີ 01/02 ຢູ່ຮ່າໂນ້ຍ, ຄະນະປະຈຳສະພາແຫ່ງຊາດ ຫວຽດນາມ ຈັດຕັ້ງພິທີພົບປະສັງສັນລະຫວ່າງການນຳສະພາແຫ່ງຊາດກັບບັນດາຜູ້ແທນ ຊຶ່ງອະດີດເປັນສະມາຊິກສະພາແຫ່ງຊາດສະເພາະກິດຜ່ານໄລຍະຕ່າງໆ. ນະທີ່ນີ້, ທ່ານປະທານສະພາແຫ່ງຊາດ ຫງວຽນຊິງຮຸ່ງ ຊີ້ແຈ້ງວ່າ: ສະພາແຫ່ງຊາດຊຸດທີ 12 ໄດ້ ແລະ ພວມສືບທອດບັນດາຜົນງານທີ່ຍິ່ງໃຫຍ່ຂອງບັນດາການນຳ, ສະມາຊິກສະພາແຫ່ງຊາດຊຸດກ່ອນໆ ເພື່ອປ່ຽນໃໝ່ຢ່າງບໍ່ຢຸດຢັ້ງ, ຍົກສູງປະສິດທິຜົນການເຄື່ອນໄຫວຂອງອົງການມີສິດອຳນາດແຫ່ງລັດສູງສຸດ . ທ່ານປະທານສະພາແຫ່ງຊາດ ຫງວຽນຊິງຮຸ່ງ ຫວັງວ່າ: ໃນໄລຍະຈະມາເຖິງ, ບັນດາສະມາຊິກສະພາແຫ່ງຊາດຜູ້ອາວຸໂສສືບຕໍ່ເອົາໃຈໃສ່, ປະກອບກຳລັງເຫື່ອແຮງ, ສະຕິປັນຍາ, ບົດຮຽນຂອງຕົນ, ພ້ອມກັບຄະນະການນຳສະພາແຫ່ງຊາດ ສູ້ຊົນຍົກສູງປະສິດທິຜົນການເຄື່ອນໄຫວຂອງສະພາແຫ່ງຊາດຍິ່ງກ່ວາອີກ, ຕອບສະໜອງຄວາມມຸ່ງມາດປາດຖະໜາ ກໍ່ຄືຄວາມເຊື່ອໝັ້ນຂອງພັກ ແລະ ຜູ້ມີສິດເລືອກຕັ້ງໃນທົ່ວປະເທດ.