ຕາມແຜນການ, ວັນທີ 04 ມິຖຸນາ, ທ່ານ D.Trump ຈະມີບັນດາການເຈລະຈາກັບທ່ານນາງນາຍົກລັດຖະມົນຕີອັງກິດ Theresa May ກ່ຽວກັບບັນດາຫົວເລື່ອງສຳຄັນໃນການພົວພັນສຳພັນທະມິດທີ່ໃກ້ຊິດສະໜິດສະໜົມທີ່ສຸດລະຫວ່າງອາເມລິກາ ແລະ ອັງກິດ, ໃນນັ້ນມີແງ່ຫວັງລົງນາມໃນສົນທິສັນຍາການຄ້າລະຫວ່າງອາເມລິກາ ແລະ ອັງກິດ, ພາຍຫຼັງລາຊະອານາຈັກອັງກິດ ຖອນຕົວອອກຈາກອີຢູ. ນອກນັ້ນ, ມີຫົວຂໍ້ທີ່ໜ້າສົນໃຈອື່ນອີກ ເຊິ່ງເຈົ້າໜ້າທີ່ອາເມລິກາ ຫຼາຍທ່ານເຕື້ອງເຖິງກ່ອນການຢ້ຽມຢາມ ເຊິ່ງແມ່ນເລື່ອງອາເມລິກາ ຢາກໃຫ້ອັງກິດຢຸດຕິບັນດາການຮ່ວມມືກັບກຸ່ມບໍລິສັດ Huawei ຂອງຈີນ. ຝ່າຍອາເມລິກາ ນາບຂູ່ວ່າ, ຖ້າຫາກອັງກິດ ບໍ່ຢຸດຕິການຮ່ວມມືກັບ Huawei, ອາເມລິກາ ຈະບໍ່ສືບຕໍ່ແບ່ງປັນຂ່າວສືບລາຊະການລັບຂອງປະເທດນີ້ໃຫ້ອັງກິດ ອີກ.

        ພາຍຫຼັງສິ້ນສຸດການຢ້ຽມຢາມອັງກິດ, ວັນທີ 05 ມິຖຸນາ, ທ່ານປະທານາທິບໍດີ D.Trump ຈະໄປຢ້ຽມຢາມຝລັ່ງ.