ເມື່ອກ່າວຄຳເຫັນຢູ່ຫ້ອງເຮັດວຽກຮູບໄຂ່, ທ່ານ Donald Trump  ປະທານາທິບໍດີ ອາເມລິກາ ໃຫ້ຮູ້ວ່າ ການຕັດສິນໃຫ້ໂຈະຊົ່ວຄາວບັນດາເຫດບຸກໂຈມຕີເຂົ້າພື້ນຖານໂຄງລ່າງພະລັງງານຂອງ ອີຣານ ແມ່ນເລີ່ມມາຈາກຄວາມຄືບໜ້າທາງການທູດ. ທ່ານໃຫ້ຮູ້ວ່າ, ບັນດາຮອບເຈລະຈາພວມດຳເນີນໂດຍມີການເຂົ້າຮ່ວມຂອງທ່ານ JD Vance ຮອງປະທານາທິບໍດີ, ທ່ານ Marco Rubio ລັດຖະມົນຕີການຕ່າງປະເທດ ພ້ອມດ້ວຍທູດພິເສດສອງທ່ານ ຄືທ່ານ Steve Witkoff ແລະ Jared Kushner.

        ທ່ານປະທານາທິບໍດີ ອາເມລິກາ ເປີດເຜີຍວ່າ ອີຣານ ໄດ້ຍົກອອກເງື່ອນໄຂ “ປະນິປະນອມໃຫຍ່” ກ່ຽວຂ້ອງເຖິງຂົງເຂດພະລັງງານ, ຖືນີ້ແມ່ນສັນຍານອັນຕັ້ງໜ້າໃນສະພາບການສອງຝ່າຍທີ່ພວມຊຸກຍູ້ບັນດາຄວາມມານະພະຍາຍາມເຈລະຈາເພື່ອແນໃສ່ຢຸດຕິການປະທະກັນ.

        ໃນຂະນະນັ້ນ, ສື່ມວນຊົນ ອາເມລິກາ ໃຫ້ຮູ້ວ່າ ບັນດາການນຳໃນພາກພື້ນພວມເຂົ້າຮ່ວມບັນດາຄວາມມານະພະຍາຍາມທາງການທູດຢູ່ເບື້ອງຫຼັງ ເພື່ອແນໃສ່ຢຸດຕິການປະທະກັນ.

        ໃນເຫດການອື່ນ, ຕອນຄ່ຳຄືນວັນທີ 24 ມີນາ, ອົງການພະລັງງານປະລະມານູສາກົນ (IAEA) ໄດ້ອອກຄຳຮຽກຮ້ອງສຸກເສີນ, ເລັ່ງໃຫ້ບັນດາຝ່າຍທີ່ກ່ຽວຂ້ອງ ຫຼີກລ້ຽງການກໍ່ຄວາມອັນຕະລາຍໃຫ້ແກ່ບັນດາຮາກຖານນິວເຄຼຍ.

ນັກຂ່າວ VOV ປະຈຳ ອີຢິບ, ອາເມລິກາ