(VOVWORLD) -ຕອນບ່າຍວັນທີ 2 ກຸມພາ, ຢູ່ຮ່າໂນ້ຍ, ຄະນະພັກຫ້ອງວ່າການສູນກາງພັກ ໄດ້ຈັດຕັ້ງພິທີມອບກາໝາຍ 55 ປີເປັນສະມາຊິກພັກໃຫ້ແກ່ທ່ານເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຝູຈ້ອງ.
 ທ່ານເລຂາທິການໃຫຍ່ ຫວຽດນາມ ຫງວຽນຝູຈ້ອງ ກ່າວຄຳເຫັນທີ່ພິທີ |
ເຂົ້າຮ່ວມພິທີ ມີທ່ານອະດີດເລຂາທິການໃຫຍ່ ນົງດຶກແມ້ງ, ທ່ານນາຍົກລັດຖະມົນຕີ ຟ້າມມິງຈິງ, ທ່ານປະທານສະພາແຫ່ງຊາດ ເວືອງດິ່ງເຫວະ, ທ່ານ ຫວໍວັນເຖືອງ ຜູ້ປະຈຳການຄະນະເລຂາ, ທ່ານນາງ ຫວໍທິແອັງຊວນ ຮັກສາການປະທານປະເທດ.
ກ່າວຄຳເຫັນທີ່ພິທີ, ທ່ານ ຫວໍວັນເຖືອງ ໄດ້ສະແດງຄວາມຊົມເຊີຍຕໍ່ທ່ານເລຂາທິການໃຫຍ່ ຫງວຽນຝູຈ້ອງ ເປັນກຽດໄດ້ຮັບນາມມະຍົດອັນສູງສົ່ງຂອງພັກ, ເຊິ່ງຢັ້ງຢືນວິວັດການອຸທິດສ່ວນ, ຄຸນງາມຄວາມດີອັນໃຫຍ່ຫຼວງຂອງທ່ານເລຂາທິການໃຫຍ່ ຕໍ່ພາລະກິດແຫ່ງການກໍ່ສ້າງພັກ ໃຫ້ນັບມື້ນັບປອດໄສ, ໝັ້ນຄົງເຂັ້ມແຂງ, ທ່ານເລຂາທິການໃຫຍ່ ຫງວຽນຝູຈ້ອງ ໃຫ້ຮູ້ວ່າ:
ຂ້າພະເຈົ້າຂໍສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ພັກ, ລັດ ແລະ ປະຊາຊົນ. ຂໍຂອບໃຈບັນດາການນຳ, ອະດີດການນຳລຸ້ນຕ່າງໆ ແລະ ບັນດາສະຫາຍທຸກຖ້ວນໜ້າ. ຂ້າພະເຈົ້າໝັ້ນໝາຍຕະຫຼອດຊີວິດຈະສູ້ຊົນ, ເສຍສະຫຼະ, ມີຄວາມຈົ່ງຮັກພັກດີຕໍ່ອຸດົມການ, ພາລະກິດປະຕິວັດຂອງພັກ, ອອກແຮງຝືກຝົນຫຼໍ່ຫຼອມ; ມານະພະຍາຍາມຮ່ຳຮຽນ ແລະ ປະຕິບັດຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈີມິນ ເພື່ອສົມເປັນສະມາຊິກພັກກອມມູນິດ ຫວຽດນາມ.