ພິທີມອບລາງວັນ Grammy 2023: ຂີດໝາຍແຫ່ງປະຫວັດສາດຂອງ Beyoncé ແລະ Kim Petras
(VOVWORLD) - ຕອນເຊົ້າວັນທີ 2 ກຸມພາ, ພິທີມອບລາງວັນ Grammy ຄັ້ງທີ 65 ໄດ້ຈັດຂຶ້ນຢູ່ນະຄອນ Los Angeles ປະເທດ ອາເມລິກາ. ກໍ່ຖືກກັບການຄາດຄະເນ, ນັກຮ້ອງຍິງ Beyoncé ຊາວ ອາເມລິກາ ໄດ້ສ້າງຂີດໝາຍແຫ່ງປະຫວັດສາດ ຂະນະທີ່ໄດ້ກາຍເປັນນັກສິລະປິນຄ້ວາໄດ້ຫຼາຍລາງວັນ Grammy ທີ່ສຸດນັບແຕ່ກ່ອນມາຮອດປະຈຸບັນ.
ນັກຮ້ອງຍິງ Beyoncé (ພາບ: AFP/TTXVN)
ນັກຮ້ອງຍິງ Beyoncé ຊາວ ອາເມລິກາ ໄດ້ຮັບໄຊຊະນະຢູ່ໃນລາຍການ “ດົນຕີເອເລກໂຕນິກມ່ວນທີ່ສຸດ”. ດ້ວຍໄຊຊະນະເທື່ອທີ 4 (ໄລ່ມາຮອດຈຸດເວລານີ້), ທີ່ພິທີມອບລາງວັນ Grammy 2023, ປະຈຸບັນ, Beyoncé ຄ້ວາໄດ້ທັງໝົດ 32 ລາງວັນ Grammy.
ກໍ່ໃນພິທີມອບລາງວັນ Grammy ຄັ້ງທີ 65, ນັກຮ້ອງ Sam Smith- ຊາວ ອັງກິດ ແລະ Kim Petras -ຊາວ ເຢຍລະມັນ ໄດ້ຮັບລາງວັນແກຄຳ ໃນລາຍການ “ນັກຮ້ອງຄູ່/ກຸ່ມດົນຕີ Pop ດີເດັ່ນທີ່ສຸດ”. ໃນຂະນະທີ່ລາງວັນ “ Album Rap ດີເດັ່ນທີ່ສຸດ” ໄດ້ມອບໃຫ້ນັກຮ້ອງ Kendrick Lamar ຊາວອາເມລິກາ. ກ່ອນນັ້ນ, rapper ຄົນນີ້ກໍ່ໄດ້ຮັບໄຊຊະນະຢູ່ໃນລາຍການ “ສະແດງດົນຕີ Rap ດີເດັ່ນທີ່ສຸດ” ແລະ “ບົດເພງດົນຕີ Rap ດີເດັ່ນທີ່ສຸດ” ດ້ວຍບົດເພງ “The Heart Part 5”.