(vovworld) - ຕອນເຊົ້າວັນທີ 15/03, ຄະນະຊາວໜຸ່ມກອມມູນິດໂຮ່ຈິມິນ ນະຄອນຮ່າໂນ້ຍ ໄດ້ຈັດກອງປະຊຸມພົບປະກັບເລຂາຄະນະຊາວໜຸ່ມຕາແສງ, ເທດສະບານທີ່ດີເດັ່ນຂອງນະຄອນຮ່າໂນ້ຍ 423 ຄົນ ແລະ ສະຫຼຸບ 10 ປີແຫ່ງການໃຫ້ສະມາຊິກຊາວໜຸ່ມນະຄອນຮ່າໂນ້ຍ ກຸ້ຢືມທຶນ. ກ່າວຄຳເຫັນທີ່ກອງປະຊຸມ, ທ່ານ ຟ້າມກວາງຫງີ້, ກຳມະການກົມການເມືອງ, ເລຂາຄະນະພັກນະຄອນຮ່າໂນ້ຍ ຢືນຢັນວ່າ: ໃນໄລຍະຜ່ານມາ, ພະນັກງານຊາວໜຸ່ມທຸກຂັ້ນໄດ້ປະກອບສ່ວນຢ່າງຕັ້ງໜ້າເຂົ້າໃນພາລະກິດພັດທະນາເສດຖະກິດ, ສັງຄົມນະຄອນຫຼວງຮ່າໂນ້ຍ, ໂດຍສະເພາະແມ່ນປະຕິບັດຄາດໝາຍລົບລ້າງຄວາມອຶດຫິວ ຫຼຸດຜ່ອນຄວາມທຸກຍາກໃນບໍລິດເວນນະຄອນຫຼວງຮ່າໂນ້ຍ ເຊິ່ງເລຂາຄະນະຊາວໜຸ່ມຕາແສງ, ເທດສະບານເມືອງ 423 ຄົນເປັນແກ່ນສານ. ເພື່ອຍົກສູງປະສິດທິຜົນການເຄື່ອນໄຫວຂອງຄະນະຊາວໜຸ່ມຕາແສງ, ເທດສະບານເມືອງໃນໄລຍະຈະມາເຖິງ, ທ່ານ ຟ້າມກວາງຫງີ້ ຖືວ່າ, ພະນັກງານຊາວໜຸ່ມທຸກຂັ້ນ ຕ້ອງສືບຕໍ່ປ່ຽນໃໝ່ບັນດາການເຄື່ອນໄຫວຂອງຄະນະຊາວໜຸ່ມຈາກຂັ້ນນະຄອນ ຕະຫຼອດຮອດຂັ້ນຮາກຖານ, ໄກ້ຊິດຕິດແທດກັບໜ້າທີ່ການເມືອງຂອງນະຄອນ.
“ພະນັກງານຕາແສງ, ເທດສະບານແຕ່ລະຄົນ ຕ້ອງມານະພະຍາຍາມສືບຕໍ່ສູ້ຊົນຝືກຜົນຫຼໍ່ຫຼອມຄຸນສົມບັດປະຕິວັດ, ຍົກສູງລະດັບຄວາມຮັບຮູ້ການຮໍ່າຮຽນ ແລະ ໃນວຽການຢ່າງບໍ່ຢຸດຢັ້ງ, ເປັນແບບຢ່າງທີ່ດີເດັ່ນເພື່ອໃຫ້ປະຊາຊົນບ່ອນຢູ່ອາໄສຮໍ່າຮຽນຕາມ. ມີຄວາມເມົາມົວກັບການປະດິດສ້າງ ແລະ ນຳໃຊ້ເຕັກໂນໂລຊີເພື່ອຮັບໃຊ້ວຽກງານຕົວຈິ່ງຂອງນະຄອນ ປະກອບສ່ວນເຮັດໃຫ້ນະຄອນຫຼວງ ແລະ ປະເທດຊາດເຊື່ອມໂຫຍງຢ່າງໝັ້ນຄົງບົນເສັ້ນທາງພັດທະນາ”.