ທີ່ການພົບປະ, ທ່ານ ເລລິງລານ ເອກອັກຄະລັດຖະທູດ ຫວຽດນາມ ໄດ້ແນະນຳບັນດາຜົນສຳເລັດກະໂດດຂັ້ນ ກ່ຽວກັບດ້ານເສດຖະກິດ, ສັງຄົມ ທີ່ຫວຽດນາມບັນລຸໄດ້ໃນກວ່າ 30 ປີ ແຫ່ງການປ່ຽນແປງໃໝ່, ກໍ່ຄືບົດບາດ, ທີ່ຕັ້ງ ຂອງ ຫວຽດນາມ ນັບມື້ນັບມີຄວາມສຳຄັນຢູ່ພາກພື້ນ ແລະ ສາກົນ. ທ່ານເອກອັກຄະລັດຖະທູດ ມີຄວາມເຊື່ອໝັ້ນວ່າກອງປະຊຸມສຸດຍອດ APEC 2017 ຈັດຕັ້ງຢູ່ນະຄອນດ່ານັ້ງ, ສສ ຫວຽດນາມ, ຈະເພີ່ມທະວີການຮ່ວມມື ລະຫວ່າງ ບັນດາປະເທດພາກພື້ນອາຊີ-ປາຊີຟິກ, ໃນນັ້ນມີຫວຽດນາມ ແລະ ແມັກຊີໂກ. ການເຂົ້າຮ່ວມຂອງ ແມັກຊີໂກຈະປະກອບສ່ວນໃຫ້ຜົນສຳເລັດລວມຂອງເວທີປາໄສ.

        ສ່ວນ, ວົງການເຈົ້າໜ້າທີ່  ລັດ Zacatecas ແລະ ນະຄອນ Zacatecas ຢືນຢັນຄວາມປາຖະໜາຢາກເພີ່ມທະວີການຮ່ວມມືໃນທຸກຂົງເຂດ ກັບບັນດາທ້ອງຖິ່ນຂອງຫວຽດນາມ, ປະກອບສ່ວນຊຸກຍູ້ ແລະ ປັບປຸງການພົວພັນ ລະຫວ່າງສອງປະເທດ.