ພາບປະກອບ
|
(vovworld) – “ຮ່ວມແຮງຮ່ວມໃຈພ້ອມກັບຊາວປະມົງຕິດພັນກັບທະເລ, ເສີມຂະຫຍາຍຄວາມສາມາດບົ່ມຊ້ອນ, ທ່າແຮງເພື່ອແນໃສ່ຊຸກຍູ້ການພັດທະນາແບບຍືນຍົງດ້ານເສດຖະກິດ, ການເມືອງ - ສັງຄົມ, ສະຖຽນລະພາບດ້ານປ້ອງກັນຊາດ, ປ້ອງກັນຄວາມສະຫງົບ” ນັ້ນແມ່ນສານຕົ້ນຕໍຂອງລາຍການຮັບປະກັນຊີວິດສັງຄົມ “ບົດເພງວິລະຊົນແຫ່ງທະເລ”. ໂດຍທະນາຄານແຫ່ງລັດ ຫວຽດນາມ ສົມທົບກັບທະນາຄານການຄ້າຫຸ້ນສ່ວນອຸດສາຫະກຳ ການຄ້າ ຫວຽດນາມ (Viettinbank) ແລະ ຄະນະກຳມະການປະຊາຊົນແຂວງ ກວາງຫງາຍ ຈັດຕັ້ງໃນຕອນຄຳ່ວັນທີ 7/3, ຢູ່ແຂວງ ກວາງຫງາຍ.
ກ່າວຄຳເຫັນໄຂລາຍການ, ຜູ້ວ່າການທະນາຄານແຫ່ງລັດ ຫວຽດນາມ ຫງວຽນວັນບີ່ງ, ເນັ້ນໜັກວ່າ:
“ຂະແໜງທະນາຄານໃຫ້ຄຳໝັ້ນສັນຍາຮ່ວມເດີນທາງພ້ອມກັບຊາວປະມົງ, ສືບຕໍ່ສະຫງວນແຫຼ່ງທຶນບຸລິມະສິດເພື່ອໃຫ້ຊາວປະມົງປະຕິບັດໄຝ່ຝັນຢາກ ຕໍ່ກຳ່ປັ່ນຂະໜາດໃຫຍ່ ເພື່ອໄປຫາປາໄກຝັ່ງ, ສ້າງຄວາມຮັ່ງມີໃຫ້ແກ່ຕົນເອງ ແລະ ປະເທດຊາດ. ພ້ອມທັງເພີ່ມທະວີທ່າຮົບດ້ານປ້ອງກັນຊາດທົ່ວປວງຊົນບົນທະເລ, ປະກອບສ່ວນປົກປັກຮັກສາຜືນແຜ່ນດິນອັນຄົບຖ້ວນ, ເຂດນ່ານທະເລຂອງປະເທດຊາດຢ່າງໝັ້ນຄົງ.”
ເນື່ອງໃນໂອກາດນີ້, ຜູ້ວ່າການທະນາຄານແຫ່ງລັດ ຫວຽດນາມ ຫງວຽນວັນບີ່ງ ໄດ້ມອບເຄື່ອງຕິດຕໍ່ພົວພັນ 735 ເຄື່ອງ, ດ້ວຍມູນຄ່າເກືອບ 21 ຕື້ດົ່ງໃຫ້ 28 ແຂວງ, ນະຄອນແຄມທະເລ