ທ່ານຮອງນາຍົກລັດຖະມົນຕີຫວຽດນາມ ຈິ້ງດີງຢຸງ ໄດ້ເຂົ້າຮ່ວມ ແລະ ກ່າວຄຳເຫັນທີ່ພິທີສະເຫຼີມສະຫຼອງ |
(vovworld)- ຕອນເຊົ້າວັນທີ 26/11, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີຫວຽດນາມ ຈິ້ງດີງຢຸງ ໄດ້ເຂົ້າຮ່ວມ ແລະ ກ່າວຄຳເຫັນທີ່ພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງສະຖາບັນວາງແຜນຜັງຕົວເມືອງ ແລະ ຊົນນະບົດແຫ່ງຊາດ. ນະທີ່ນີ້, ທ່ານຮອງນາຍົກລັດຖະມົນຕີຫວຽດນາມ ຈິ້ງດີງຢຸງ ຢືນຢັນວາ່ : ລັດຖະບານ, ບັນດາກະຊວງ, ຂະແໜງການຕ່າງໆຍາມໃດກໍສະຫງວນຄວາມເອົາໃຈໃສ່ພິເສດໃຫ້ແກ່ວຽກງານວາງແຜນຜັງເມືອງ ແລະ ຖືວ່າ ການວາງແຜນຜັງແມ່ນຕ້ອງໄປກ່ອນບາດກ້າວໜຶ່ງ, ສວມບົດບາດກຳນົດທິດ, ຊັກຈູງຂະບວນວິວັດພັດທະນາ.
ກ່ຽວກັບໜ້າທີ່ໃນໄລຍະທີ່ຈະມາເຖິງ, ທ່ານຮອງນາຍົກລັດຖະມົນຕີຫວຽດນາມ ຈິ້ງດີງຢຸງ ເນັ້ນໜັກວ່າ : ສະຖາບັນວາງແຜນຜັງຕົວເມືອງ ແລະ ຊົນນະບົດແຫ່ງຊາດຕ້ອງສືບຕໍ່ສຸມໃສ່ຍົກສູງຄວາມສາມາດຢ່າງຮອບດ້ານ, ໃນນັ້ນ, ເອົາໃຈໃສ່ປ່ຽນໃໝ່ກົນໄກການເຄື່ອນໄຫວ, ຍົກສູງຄຸນນະພາບແຫຼ່ງຊັບພະຍາກອນມະນຸດ, ລົງທຶນທາງດ້ານພາຫະນະອຸປະກອນທີ່ທັນສະໄໝ. ພ້ອມກັນນັ້ນ, ການວາງແຜນຜັງຕ້ອງຕິດພັນກັບການສ້າງໂຄງປະກອບເສດຖະກິດຄືນໃໝ່.