ພາບປະກອບ

  ຕາມນັ້ນແລ້ວ, ກຸ່ມຜູ້ສັງເກດການກຸ່ມ 1 ຂອງລັດເຊຍ ຈະດຳເນີນຖ້ຽວບິນສັງເກດໃນເຂດນ່ານຟ້າອາເມລິກາ ດ້ວຍເຮືອບິນ  Tu-154M LK-1 ໃນວັນທີ 19 ສິງຫາຈະມາເຖິງ ແຕ່ສະໜາມບິນ Great Falls ຢູ່ລັດ Montana. ແຕ່ ວັນທີ 12-16 ສິງຫາ, ບັນດານັກສັງເກດການຂອງອາເມລິກາ ແລະ ແດນມາກ ຈະດຳເນີນຖ້ຽວບິນສັງເກດລວມໃນເຂດນ່ານຟ້າລັດເຊຍ ດ້ວຍເຮືອບິນ An-30B ຂອງຢູແກຼນ ຈາກສະໜາມບິນ Kubinka ຢູ່ຊານນະຄອນຫຼວງມົດສະກູ.

   ສົນທິສັນຍາທ້ອງຟ້າເປີດ ມີຜົນບັງຄັບໃຊ້ນັບແຕ່ປີ 2002 ແລະ ປະຈຸບັນມີ 34 ປະເທດໄດ້ເຂົ້າຮ່ວມ ຊື່ງໃນນັ້ນລວມມີ: ລັດເຊຍ, ອາເມລິກາ ແລະ ບາງປະເທດສະມາຊິກອົງການນາໂຕ. ສົມທິສັນຍາເພື່ອແນໃສ່ສ້າງຄວາມໄວ້ເນື້ອເຊື່ອໃຈ ແລະ ຄວບຄຸມກຳລັງປະກອບອາວຸດສະບັບນີ້ ໄດ້ສ້າງລະບົບບັນດາຖ້ຽວບິນສັງເກດການໃນເຂດນ່ານຟ້າບັນດາປະເທດສະມາຊິກ ເພື່ອເກັບກຳຂໍ້ມູນຂ່າວສານກ່ຽວກັບກຳລັງປະກອບອາວຸດຂອງບັນດາປະເທດເຫຼົ່ານັ້ນ.