(vovworld) - ລັດເຊຍ ຈະນຳໃຊ້ທຸກມາດຕະການເພື່ອນຳພົນລະເມືອງປະເທດນີ້ເຊິ່ງແມ່ນ Dmitry Ukrainski ຖືກຕຳຫຼວດໄທ ຈັບຕົວເມື່ອວັນທີ 15/07, ຢູ່ນະຄອນ ພັດທະຢາ ຕາມຄຳຮຽກຮ້ອງຂອງກົມສືບສວນສອບສວນສະຫະລັດອາເມລິກາ (FBI) ກັບເມືອປະເທດ. ນີ້ແມ່ນຄຳຖະແຫຼງເຊິ່ງກະຊວງການຕ່າງປະເທດລັດເຊຍ ຍົກອອກມາໃນວັນທີ 21/07. ໂຄສົກກະຊວງການຕ່າງປະເທດລັດເຊຍ Maria Zakharova ໃຫ້ຮູ້ວ່າ, ກະຊວງການຕ່າງປະເທດລັດເຊຍ ໄດ້ຮຽກຕົວອຸປະທູດຊົ່ວຄາວຂອງໄທ ປະຈຳລັດເຊຍ ມາ ເພື່ອມອບຈົດໝາຍທາງການຊຶ່ງຖະແຫຼງວ່າ “ບໍ່ອາດຮັບຮູ້ເລື່ອງພົນລະເມືອງລັດເຊຍ ຖືກພາຕົວໄປອາເມລິກາ”. ທ່ານນາງ Maria Zakharova ເນັ້ນໜັກວ່າ, ປະຈຸບັນນີ້, ມົດສະກູ ຍັງບໍ່ທັນໄດ້ຮັບແຈ້ງການໃດໆຈາກຝ່າຍໄທ ຫຼື ອາເມລິກາ, ອະທິບາຍສາຍເຫດຈັບຕົວພົນລະເມືອງລັດເຊຍ. ໃນຂະນະນັ້ນ, ຕາມຕຳຫຼວດໄທ ແລ້ວ, ເລື່ອງຈັບຕົວພົນລະເມືອງລັດເຊຍ ໄດ້ປະຕິບັດຕາມຄຳຮຽກຮ້ອງຂອງ FBI ເພື່ອພາຕົວໄປຍັງອາເມລິກາ ດ້ວຍຂໍ້ກ່າວຫາວ່າ ມີສ່ວນກ່ຽວຂ້ອງເຖິງການເຄື່ອນໄຫວຟອກເງິນທີ່ມີຂອບຂະໜາດໃຫຍ່.