(ພາບປະກອບ)
(vovworld) – ສປປ.ເກົາຫຼີ ອີກເທື່ອໜຶ່ງໄດ້ປະຕິເສດການຍິງປືນໃຫຍ່ ໃສ່ສ.ເກົາຫຼີ, ພ້ອມທັງກ່າວປະນາມເລື່ອງ ເຊີອຸ່ນ ເສກສັ້ນປັ້ນແຕ່ງເຫດການນີ້. ກ່າວຄຳເຫັນທີ່ກອງປະຊຸມຂ່າວ ໃນຕອນເຊົ້າວັນທີ 21/08, ທ່ານ Kim Yong Chol, ຜູ້ອຳນວຍການຫ້ອງການສືບສວນຂອງກົມເສນາທິການກອງທັບປະຊາຊົນສປປ.ເກົາຫຼີ ຖະແຫຼງວ່າ, ສະພາບຄວາມເຄັ່ງຕຶງ ແລະ ສັບສົນຄືປະຈຸບັນລະຫວ່າງສປປ.ເກົາຫຼີ ແລະ ສ.ເກົາຫຼີ ແມ່ນຍ້ອນການກະທຳເກາະຜິດຂອງຝ່າຍສ.ເກົາຫຼີ. ຕາມເຈົ້າໜ້າທ່ີຜູ້ນີ້ແລ້ວ, ຝ່າຍສ.ເກົາຫຼີ ໄດ້ມີການກະທຳໂຕ້ຕອບດ້ວຍການຍິງປືນໃຫຍ່ນັບສິບລູກ, ກ່ອນທີ່ສຳຫຼວດຢັ້ງຢືນສະຖານທີ່ຍິງປືນໃຫຍ່ ກໍຄືຈຸດທີ່ຕັ້ງຂອງລູກປືນຕົກໃສ່.
ໃນວັນດຽວກັນ, ທ່ານລັດຖະມົນຕີວ່າການກະຊວງປ້ອງກັນປະເທດສ.ເກົາຫຼີ Han Min koo ໄດ້ອອກຄຳສັ່ງກ່າວເຕື່ອນວ່າ ກອງທັບສ.ເກົາຫຼີ ຈະມີມາດຕະການໂຕ້ຕອບທີ່ແຂງກະດ້າງ ຖ້າຫາກຝ່າຍສປປ.ເກົາຫຼີ ມີການກະທຳເກາະຜິດຕື່ມອີກ.