ພິທີໄວ້ອາໄລທ່ານພົນເອກຫວໍ້ງວຽນຢາບຢູ່
ສະຖານທູດຫວຽດນາມປະຈຳຈີນ
(ພາບ: soha.vn)
(vovworld)- ວັນທີ 14/10, ສະຖານທູດຫວຽດນາມ ປະຈຳສະຫະພັນລັດເຊຍ ສືບຕໍ່ເປີດປະຕູ ແລະ ປຶ້ມໄວ້ອາໄລຕ້ອນຮັບບັນດາຄະນະຜູ້ແທນສາກົນ ແລະ ຊາວຫວຽດນາມ ພວມຮ່ຳຮຽນ, ທຳມາຫາກິນ, ດຳລົງຊີວິດຢູ່ສະຫະພັນລັດເຊຍ ມາໄວ້ອາໄລທ່ານພົນເອກຫວໍ້ງວຽນຢາບ. ໃນຈຳນວນຄະນະແຂກສາກົນມາໄວ້ອາໄລມີທ່ານເອກອັກຄະລັດຖະທູດ, ຜູ້ຕາງໜ້າສະຖານທູດບັນດາປະເທດອາຊຽນ, ບັນດາປະເທດອາຟຼິກກາ ພ້ອມກັບປະເທດອື່ນໆຄື: ຝະລັ່ງ,ໂປໂລຍ….ພິເສດ, ທ່ານພົນໂທ Olech Saliukov ຮອງເສນາທິການໃຫ່ຍກອງເສນາທິການໃຫ່ຍສະຫະພັນລັດເຊຍ ໄດ້ມາໄວ້ອາໄລ ແລະ ເຊັນປຶ້ມໄວ້ອາໄລຢ່າງສົມກຽດ.
ເມື່ອເຂົ້າໄວ້ອາໄລທ່ານພົນເອກຫວໍ້ງວຽນຢາບ, ເພື່ອນມິດລັດເຊຍ ແລະ ຊາວຫວຽດນາມ ອາໄສຢູ່ສະຫະພັນລັດເຊຍ ຫຼາຍຄົນລ້ວນແຕ່ສະແດງຄວາມສະເທືອນໃຈທີ່ສຸດ. ພັນຈັດຕະວາຟ້າມວັນຊຶງ (Phạm Văn Xứng) ພວມຮຽນຢູ່ສະຫະພັນລັດເຊຍ ເວົ້າດ້ວຍຄວາມຕຶ້ນຕັນໃຈວ່າ:
“ພວກຂ້າພະເຈົ້າ, ຜູ້ທີ່ກຳລັງຮ່ຳຮຽນດ້ານການທະຫານຢູ່ລັດເຊຍ ຂໍໃຫ້ຄຳໝັ້ນສັນຍາວ່າຈະຮ່ຳຮຽນໃຫ້ດີເພື່ຶອນຳບັນດາຄວາມຮູ້ຈາກການຮຳ່ຮຽນຢູ່ຕ່າງປະເທດມາໝູນໃຊ້ເຂົ້າໃນວຽກງານຂອງຕົນ. ສົມກັບຄຸນງາມຄວາມດີອັນໃຫ່ຍຫຼວງ ແລະ ບັນດາວິລະກຳຊື່ງທ່ານພົນເອກໄດ້ສ້າງຂຶ້ນ“.
ພິທີໄວ້ອາໄລທ່ານພົນເອກຫວໍ້ງວຽນຢາບຢູ່
ສະຖານທູດຫວຽດນາມປະຈຳລາວ
(ພາບ: soha.vn)
ແຕ່ວັນທີ 12-14/10, ຄະນະຜູ້ຕາງໜ້າຫວຽດນາມ ປະຈຳ ສປຊ, ສະຖານທູດຫວຽດນາມ ປະຈຳອັກຊັງຕິນ, ນອກແວ, ອົດສະຕາລີ, ອີຢີບ, ຈີນ….ກໍ່ໄດ້ຈັດພິທີໄວ້ອາໄລທ່ານພົນເອກຫວໍ້ງວຽນຢາບ. ໃນປຶ້ມໄວ້ອາໄລ, ທ່ານເອກອັກຄະລັດຖະທູດ. ຫົວໜ້າຜູ້ຕາງໜ້າບັນດາປະເທດຈີນ, ລາວ, ອິນເດຍ, ອານເຊຣີ, ເວເນຊູເອລາ….ໄດ້ແບ່ງເບົາຄວາມໂສກເສົ້າເສຍໃຈຕໍ່ການເຖິງແກ່ມໍລະນະກຳຂອງທ່ານພົນເອກຫວໍ້ງວຽນຢາບ ຊື່ງແມ່ນນັກປະຕິວັດ ແລະ ການນຳທີ່ດີເດັ່ນຂອງ ປຊຊ ຫວຽດນາມ, ແມ່ນສັນຍາລັກກຂອງການຕໍ່ສູ້ຕ້ານສັດຕູຜູ້ຮຸກຮານ ເພື່ອຍາດເອົາເອກະລາດມາໃຫ້ປະເທດຊາດ./.