ການຮັບຮອງເອົາຮ່າງກົດໝາຍສະບັບນີ້ຊ່ວຍໃຫ້ລັດຖະບານ ອາເມລິກາ ຫຼີກລ້ຽງສະພາບການຖືກປິດປະຕູຄືນໃໝ່ໃນວັນທີ 8 ກຸມພາ ເມື່ອໝົດງົບປະມານເຄື່ອນໄຫວ ແລະ ຢຸດຕິສະພາບການບໍ່ມີທາງອອກທີ່ແກ່ຍາວເປັນເວລາຫຼາຍເດືອນກ່ຽວຂ້ອງເຖິງຄວາມບໍ່ລົງລອຍກັນກ່ຽວກັບບັນດາບຸລິມະສິດລາຍຈ່າຍລະຫວ່າງບັນດາສະມາຊິກຂອງ 2 ພັກ ປະຊາທິປະໄຕ ແລະ ສາທາລະນະ. ຕາມທ່ານ Mich MCConnell, ການນຳຝ່າຍສ່ວນຫຼາຍທີ່ຢູ່ສະພາສູງຕີລາຄາວ່າ, ນີ້ແມ່ນຮ່າງກົດໝາຍສຳຄັນສະບັບໜຶ່ງ, ຕອບສະໜອງຄວາມຮຽກຮ້ອງຕ້ອງການຂອງທັງ 2 ພັກຍ້ອນຮ່າງກົດໝາຍສະບັບນີ້ລວມມີເລື່ອງເພີ່ມລາຍຈ່າຍໃຫ້ແກ່ການປ້ອງກັນຊາດ, ເຊິ່ງແມ່ນເປົ້າໝາຍຕົ້ນຕໍຂອງບັນດາສະມາຊິກພັກ ສາທາລະນະ ໄດ້ລໍຄອຍແຕ່ດົນນານມາແລ້ວ, ແລະ ເພີ່ມລາຍຈ່າຍໃຫ້ບັນດາໂຄງການພາຍໃນປະເທດຄືບັນດາສະມາຊິກສະພາແຫ່ງຊາດຂອງພັກປະຊາທິປະໄຕມີຄວາມມຸ່ງຫວັງ.