ສະເຫຼີມສະຫຼອງ 46 ປີແຫ່ງວັນສ້າງຕັ້ງສະຫະສະມາຄົມບັນດາປະເທດ ອາຊີຕາເວັນອອກສ່ຽງໃຕ້
ຫົວໜ້າສະຖານກົງສູນໃຫຍ່ ລາວ ປະຈຳນະຄອນ ໂຮ່ຈີມິນ ກ່າວຄຳເຫັນນະພິທີ
(ພາບ: Hoàng Anh Tuấn/Vietnam+)
(vovworld) - ວັນທີ 2/8, ສະຫະພັນບັນດາອົງການມິດຕະພາບນະຄອນ ໂຮ່ຈີມິນ ໄດ້ຈັດຕັ້ງພິທີສະເຫຼີມສະຫຼອງ 46 ປີແຫ່ງວັນສ້າງຕັ້ງສະຫະສະມາຄົມບັນດາປະເທດ ອາຊີຕາເວັນອອກສ່ຽງໃຕ້ (ອາຊຽນ) (8/8/1967 – 8/8/2013). ເຂົ້າຮ່ວມພິທີມີຜູ້ຕາງໜ້າການນຳນະຄອນ ໂຮ່ຈີມິນ, ຫົວໜ້າສະຖານກົງສູນໃຫຍ່ບັນດາປະເທດສະມາຊິກ ອາຊຽນ ປະຈຳນະຄອນ ໂຮ່ຈີມິນ ແລະ ນັກສຶກສາໃນບໍລິເວນນະຄອນ ໂຮ່ຈີມິນເປັນຈຳນວນຫຼວງຫຼາຍ.
ທີ່ພິທີສະເຫຼີມສະຫຼອງ, ທ່ານນາງ ຟານທິຮົ່ງຊວນ, ປະທານສະມາຄົມມິດຕະພາບ ຫວຽດນາມ - ອາຊຽນ ເນັ້ນໜັກວ່າ: ນັບແຕ່ວັນສ້າງຕັ້ງມາຮອດປະຈຸບັນ, ອາຊຽນ ໄດ້ກາຍເປັນປັດໄຈສຳຄັນຢ່າງແທ້ຈິງ, ທີ່ຂາດບໍ່ໄດ້ສຳລັບສັນຕິພາບ, ສະຖຽນລະພາບ ແລະ ການພັດທະນາຢູ່ ອາຊີ ຕາເວັນອອກສ່ຽງໃຕ້. ດ້ວຍບົດບາດ, ຄວາມສາມາດບົ່ມຊ້ອນພ້ອມກັບນ້ຳໃຈສາມັກຄີ ແລະ ຄວາມສາມາດປະພຶດຢ່າງມີໄວພິບນັ້ນ, ອາຊຽນ ຈະຜ່ານຜ່າສິ່ງທີ່ກີດຂວາງ ແລະ ການທ້າທາຍຢ່າງໝັ້ນຄົງ, ສືບຕໍ່ປະຕິບັດຈຸດໝາຍສ້າງປະຊາຄົມ ອາຊຽນ ໃນປີ 2015 ສຳເລັດຜົນ.