ຕຳຫຼວດປະຊາຊົນຫວຽດນາມ
(ພາບ: ອິນເຕີແນັດ)
(vovworld) - ຕອນເຊົ້າວັນທີ 11/3, ຢູ່ແຂວງບັກຢາງ, ກະຊວງຕຳຫຼວດຫວຽດນາມ ໄດ້ຈັດພິທີສະເຫຼີມສະຫຼອງ 65 ປີແຫ່ງວັນປະທານໂຮຈິມິນ ຝາກຈົດໝາຍເຖິງຜູ້ອຳນວຍການຕຳຫຼວດເຂດ 12 ຍົກອອກ 6 ເນື້ອໃນກ່ຽວກັບຄຸນສົມບັດຂອງຕຳຫຼວດປະຕິວັດ (11/3/1948-11/3/2013). ກ່າວຄຳເຫັນທີ່ພິທີ, ທ່ານເຈີ່ນດ້າຍກວາງ ລັດຖະມົນຕີກະຊວງຕຳຫຼວດຫວຽດນາມ ໄດ້ເນັ້ນນັກວ່າ: ຈົດໝາຍຂອງປະທານໂຮຈິມິນ ຝາກເຖິງຜູ້ອຳນວຍການຕຳຫຼວດເຂດ 12 ແມ່ນຄຳສັ່ງສອນລວມໃຫ້ທົ່ວກຳລັງຕຳຫຼວດປະຊາຊົນ. ກຳລັງຕຳຫຼວດປະຊາຊົນຕ້ອງນຳຂະບວນການ “ຕຳຫຼວດປະຊາຊົນຮ່ຳຮຽນ ແລະ ປະຕິບັດຕາມຄຳສັ່ງສອນ 6 ຂໍ້ຂອງປະທານໂຮຈິມິນ“ ຂຶ້ນສູ່ລະດັບສູງໃໝ່, ເລິກເຊິ່ງ ແລະ ຮອບດ້ານກ່ວາ:
“ພະນັກງານ, ນັກຮົບຕຳຫຼວດປະຊາຊົນ ຕ້ອງຝຶກຝົນຫຼໍ່ຫຼອມ, ບຳລຸງສ້າງຄຸນສົມບັດປະຕິວັດເປັນປະຈຳ, ຕ້ອງມີແນວຄິດ, ການກະທຳຕາມຄຳສັ່ງສອນ 6 ຂໍ້ຂອງປະທານໂຮຈິມິນ, ຍາມໃດກໍ່ມີຄວາມເດັດດ່ຽວຕໍ່ການບຸກໂຈມຕີຂອງບັນດາອິດທິກຳລັງທີ່ເປັນປໍລະປັກ ແລະ ອາດສະຍາກຳປະເພດຕ່າງໆ. ພ້ອມກັນນັ້ນຕ້ອງເພີ່ມພູນຄູນສ້າງເຈດຈຳນົງແກ້ໄຂຄວາມຫຍຸ້ງຍາກ, ຍົກສູງນ້ຳໃຈຮັບຜິດຊອບ, ຂະຫຍັນຂັນເຂື່ອນ, ມີຫົວຄິດປະດິດສ້າງ, ສະຫຼຽວສະຫຼາດ, ກ້າຫານໃນການປະຕິບັດງານ ແລະ ການສູ້ຮົບ“