ການໂອ້ລົມສົນທະນາ “ສ້າງແບບຢ່າງຊາວໜຸ່ມໄລຍະໃໝ່
ມຸ່ງໄປເຖິງຄຸນນະທາດຂອງ “ພົນລະເມືອງທົ່ວໂລກ”
(ພາບ: TTXVN)
(vovworld) - ຕອນບ່າຍວັນທີ 04/01, ຢູ່ ຮ່າໂນ້ຍ ສູນກາງຊາວໜຸ່ມກອມມູນິດ ໂຮ່ຈີມິນ, ຊາວໜຸ່ມກຸ່ມບັນດາອົງການສູນກາງ, ຊາວໜຸ່ມສຳນັກຂ່າວສານ ຫວຽດນາມ ສົມທົບກັນຈັດຕັ້ງການໂອ້ລົມສົນທະນາ “ສ້າງແບບຢ່າງຊາວໜຸ່ມໄລຍະໃໝ່ມຸ່ງໄປເຖິງຄຸນນະທາດຂອງ “ພົນລະເມືອງທົ່ວໂລກ”. ທີ່ການໂອ້ລົມສົນທະນາ, ບັນດາຜູ້ແທນແບ່ງປັນບົດຮຽນ ແລະ ສະເໜີຕໍ່ບັນດາອົງການຄຸ້ມຄອງ ເພື່ອແນໃສ່ສ້າງກົນໄກ ແລະ ເງື່ອນໄຂດີທີ່ສຸດ ເພື່ອແນໃສ່ສ້າງຊາວໜຸ່ມໄລຍະໃໝ່ໃຫ້ມີຄຸນນະທາດຂອງ “ພົນລະເມືອງທົ່ວໂລກ”. ເມື່ອແບ່ງປັນກັບບັນດາຜູ້ແທນຊາວໜຸ່ມທີ່ການໂອ້ລົມສົນທະນາ, ອະດີດຮອງນາຍົກລັດຖະ ມົນຕີ ຫວູຄວານ ຖືວ່າ ເສດຖະກິດການຕະຫລາດ ແລະ ການເຊື່ອມໂຍງເຂົ້າກັບສາກົນມີຜົນກະທົບເຖິງເສດຖະກິດ, ການເມືອງ, ສັງຄົມ, ວັດທະນະທຳ…ຂອງແຕ່ລະຊົນຊາດ, ປະເທດ, ປະຊາຊົນ ພິເສດແມ່ນໄວໜຸ່ມ. ຊາວໜຸ່ມ ຫວຽດນາມ ອອກສູ່ໂລກຕ້ອງມີຖານະ, ຄຸນນະທາດ, ຄວາມເຂົ້າໃຈ, ຄວາມຮູ້, ການປະພຶດມີວັດທະນະທຳກັບເພື່ອນມິດສາກົນ. ຕ້ອງເອົາໃຈໃສ່ເປັນພິເສດເຖິງການຊອກຮູ້, ຮ່ຳຮຽນບັນດາສິ່ງຍອດຢ້ຽມຂອງໂລກ, ພ້ອມກັນນັ້ນ ຕ້ອງຮັກສາສີສັນວັດທະນະທຳຂອງຊາດ. ອະດີດຮອງນາຍົກລັດຖະ ມົນຕີ ຫວູຄວານ ເນັ້ນໜັກວ່າ:
“ຂ້າພະເຈົ້າຖືວ່າ ເມື່ອອອກສູ່ໂລກພວກເຮົາຕ້ອງມີຄວາມເຂົ້າໃຈໃຫ້ຫລາຍທີ່ສຸດ. ຖ້າຢູ່ໃນປະເທດເຮົາຮູ້ອັນໜຶ່ງ ເມື່ອອອກສູ່ຕ່າງປະເທດຕ້ອງຮູ້ຫລາຍກ່ວາທົບຮ້ອຍເທົ່າ. ຄວາມຮູ້ຢູ່ທີ່ນີ້ມີຫລາຍດ້ານ,ຄືຄວາມຮູ້ດ້ານເສດຖະກິດໂລກແມ່ນມັນເປັນແນວໃດ, ພວມເຄື່ອນໄຫວຄືແນວໃດ. ທີ 2 ແມ່ນຄວາມຮູ້ກ່ຽວກັບພື້ນຖານການເມືອງແມ່ນຄືແນວໃດ, ແລະ ທີ 3 ແມ່ນຮູ້ກະຕິກາເປັນແນວໃດ. ສຸດທ້າຍສິ່ງສຳຄັນທີ່ສຸດແມ່ນຄວາມຮູ້ດ້ານວັດທະນະທຳຂອງໂລກ. ນັ້ນແມ່ນປັດໃຈສຳຄັນທີ່ສຸດ, ຕັດສິນທຸກໄຊຊະນະ. ”